അൽഐൻ – കോഴിക്കോട് സെക്ടറിൽ ആഗസ്റ്റ് മുതൽ പുതിയ 2 സർവീസുകൾ കൂടി ആരംഭിക്കുമെന്ന് എയർ ഇന്ത്യ എക്‌സ്പ്രസ് അറിയിച്ചു.
ഇതോടെ ഈ സെക്ടറിൽ എയർ ഇന്ത്യ എക്‌സ്പ്രസ് സർവീസുകളുടെ എണ്ണം നാലാകും. ഞായർ, തിങ്കൾ, വ്യാഴം, വെള്ളി ദിവസങ്ങളിലായിരിക്കും സർവീസ്. നിലവിൽ വ്യാഴം, ഞായർ ദിവസങ്ങളിൽ മാത്രമാണ് കോഴിക്കോട്ടേക്ക് എയർ ഇന്ത്യൻ എക്‌സ്പ്രസ് സർവീസുള്ളത്.
രാവിലെ 8 മണിക്ക് കോഴിക്കോട്ട് നിന്ന് പുറപ്പെട്ട് യുഎഇ സമയം 10.25ന് അൽഐനിൽ എത്തുകയും അൽഐനിൽ നിന്ന് രാവിലെ 11. 25ന് പുറപ്പെട്ട് ഇന്ത്യൻ സമയം വൈകീട്ട് 4.45ന് കോഴിക്കോട് എത്തിച്ചേരുകയും ചെയ്യുന്ന രീതിയിലാണ് സർവീസ് ക്രമീകരിച്ചിരിക്കുന്നത്.
