ഒമാനിൽ മസ്‌കറ്റിലെ പള്ളിക്ക് സമീപമുണ്ടായ വെടിവെപ്പിൽ ഒരു പോലീസ് ഉദ്യോഗസ്ഥനും മൂന്ന് തോക്കുധാരികളും, ഒരു ഇന്ത്യക്കാരനും
4 പാകിസ്ഥാൻ സ്വദേശികളുമടക്കം ഒമ്പത് പേർ കൊല്ലപ്പെട്ടതായി പോലീസ് ഇന്ന് ചൊവ്വാഴ്ച അറിയിച്ചു. ഇതേ സംഭവത്തിൽ നാല് പോലീസുകാരടക്കം 28 പേർക്ക് പരിക്കേറ്റിട്ടുണ്ട്.
ആക്രമണത്തെത്തുടർന്ന് സ്ഥിതിഗതികൾ കൈകാര്യം ചെയ്യാൻ ആവശ്യമായ എല്ലാ സുരക്ഷാ നടപടികളും നടപടിക്രമങ്ങളും സ്വീകരിച്ചിട്ടുണ്ടെന്ന് പോലീസ് അറിയിച്ചു. സംഭവവുമായി ബന്ധപ്പെട്ട സാഹചര്യങ്ങൾ കണ്ടെത്തുന്നതിനായി തെളിവുകൾ ശേഖരിക്കുകയും അന്വേഷണങ്ങൾ നടത്തുകയും ചെയ്യുന്നത് തുടരുകയാണെന്ന് പോലീസ് പറഞ്ഞു
