നിരവധി എമിറേറ്റുകളിൽ കഴിഞ്ഞ മാസം നടന്ന പ്രതിഷേധങ്ങളിൽ ഉൾപ്പെട്ട ബംഗ്ലാദേശി പൗരന്മാർക്ക് മാപ്പ് നൽകാൻ പ്രസിഡൻ്റ് ഹിസ് ഹൈനസ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ ഉത്തരവിട്ടു. WAM അനുസരിച്ച് ശിക്ഷ റദ്ദാക്കാനും നാടുകടത്താനുള്ള ക്രമീകരണവും തീരുമാനത്തിൽ ഉൾപ്പെടുന്നു.
ഹിസ് ഹൈനസിൻ്റെ നിർദ്ദേശത്തിന് അനുസൃതമായി, യുഎഇ അറ്റോർണി ജനറൽ ചാൻസലർ ഡോ. ഹമദ് അൽ ഷംസി, ശിക്ഷാ നടപടികൾ നിർത്തിവയ്ക്കാനും നാടുകടത്തൽ നടപടികൾ ആരംഭിക്കാനും ഉത്തരവ് പുറപ്പെടുവിച്ചു.
രാജ്യത്തിൻ്റെ നിയമങ്ങളെ മാനിക്കാൻ യുഎഇയിലെ എല്ലാ നിവാസികളോടും അറ്റോർണി ജനറൽ ആഹ്വാനം ചെയ്തു.
