ദുബായ്: ദുബായ് – പുണെ സെക്ടറിൽ പുതിയൊരു സർവീസ് കൂടി ആരംഭിക്കാൻ ഇൻഡിഗോ എയർലൈൻസ്. നവംബർ 22 മുതലാണ് പുതിയ സർവ്വീസ് ആരംഭിക്കുന്നത്. ഇതോടെ പുണെയിലേക്ക് ദുബായിൽ നിന്ന് ദിവസേന 2 സർവീസുകളായി.
ദുബായിൽ നിന്ന് നവംബർ 22ന് വൈകിട്ട് 5.40ന് പുറപ്പെടുന്ന വിമാനം പുണെയിൽ രാത്രി 10.10ന് ഇറങ്ങും. തിരിച്ച് അർധരാത്രി 12.15ന് പുറപ്പെട്ട് പുലർച്ചെ 2.15ന് ദുബായിൽ ഇറങ്ങുംവിധമാണ് സമയക്രമീകരണം നടത്തിയിരിക്കുന്നത്.
