ദുബായ്: ദുബായിൽ നിന്ന് ബെയ്‌റൂതിലേക്കും തിരിച്ചുമുള്ള വിമാന സർവീസ് താത്ക്കാലികമായി റദ്ദാക്കിയതായി എമിറേറ്റ്‌സ് എയർലൈൻസ്. നവംബർ അവസാന വാരം വരെയാണ് വിമാന സർവ്വീസുകൾ റദ്ദാക്കിയത്.
അതേസമയം, നവംബർ 14 വരെ ബഗ്ദാദിലേക്കും തിരിച്ചും സർവീസ് ഉണ്ടാകില്ല. ടെഹ്‌റാനിലേക്കുള്ള സർവീസ് ഇന്ന് പുനരാരംഭിക്കുമെന്നും അധികൃതർ വ്യക്തമാക്കി. ഇനിയൊരു അറിയിപ്പുണ്ടാകുന്നതുവരെ ബഗ്ദാദിലേക്കുള്ള ട്രാൻസിറ്റ് യാത്രക്കാരെയും അനുവദിക്കില്ല.
വിമാന സർവീസുകളുടെ സമയം സംബന്ധിച്ച വിവരങ്ങൾ യാത്രക്കാർ എമിറേറ്റ്‌സ് എയർലൈൻ വെബ്‌സൈറ്റിൽ പരിശോധിക്കണം. വിവരങ്ങൾക്ക് എയർലൈനുമായോ ട്രാവൽ ഏജൻസിയുമായോ ബന്ധപ്പെടണമെന്നും അധികൃതർ കൂട്ടിച്ചേർത്തു.
