നാളെ നവംബർ 10 ഞായറാഴ്ച നടക്കുന്ന ദുബായ് റൈഡിനായി ചില റോഡുകൾ ചില സമയങ്ങളിൽ അടച്ചിടുമെന്ന് ദുബായ് റോഡ്‌സ് ആൻഡ് ട്രാൻസ്‌പോർട്ട് അതോറിറ്റി അറിയിച്ചു.
ട്രേഡ് സെൻ്റർ റൗണ്ട് എബൗട്ടിനും രണ്ടാമത്തെ പാലത്തിനും ഇടയിലുള്ള ഷെയ്ഖ് സായിദ് റോഡിൻ്റെ ഒരു ഭാഗം, ഷെയ്ഖ് സായിദ് റോഡിനും അൽ ഖൈൽ റോഡിനും ഇടയിലുള്ള ലോവർ ഫിനാൻഷ്യൽ സെൻ്റർ റോഡും ഷെയ്ഖ് മുഹമ്മദ് ബിൻ റാഷിദ് ബൊളിവാർഡിൽ നിന്നുള്ള വൺവേയും പുലർച്ചെ 3.30 മുതൽ രാവിലെ 10 മണി വരെ അടച്ചിടുമെന്ന് ആർടിഎ അറിയിച്ചു.
അൽ മുസ്താഖ്ബാൽ റോഡ്, അൽ വാസൽ റോഡ്, അൽ ഖൈൽ റോഡ് – ഈ ഇതര സ്ട്രീറ്റുകളിലൂടെ യാത്ര ചെയ്യാൻ അതോറിറ്റി വാഹനമോടിക്കുന്നവരോട് അഭ്യർത്ഥിച്ചു. നാളെ ദുബായ് മെട്രോ റെഡ് ലൈനും ഗ്രീൻ ലൈനും ഞായറാഴ്ച പുലർച്ചെ 3 മുതൽ അർദ്ധരാത്രി 12 മണി വരെ പ്രവർത്തിക്കും.
