ലൈസൻസ് ടെസ്റ്റ് വിജയിച്ച പുതിയ മോട്ടോർ സൈക്കിൾ റൈഡർമാർക്ക് റാസൽ ഖൈമ പോലീസ് അവരുടെ ‘സേഫ്റ്റി സ്റ്റാർട്ട്സ് വിത്ത് എ സ്റ്റെപ്പ്’ കാമ്പെയ്നിൻ്റെ ഭാഗമായി ഹെൽമറ്റ് വിതരണം ചെയ്തു. റാസൽഖൈമ പോലീസിൻ്റെ ട്രാഫിക് ആൻഡ് പട്രോൾ ഡിപ്പാർട്ട്മെൻ്റ്, ട്രാഫിക് ബോധവൽക്കരണവും മീഡിയ ബ്രാഞ്ചും മുഖേനയാണ് ഈ സംരംഭം ആരംഭിച്ചത്.
മോട്ടോർ സൈക്കിൾ റൈഡർമാരുടെ സുരക്ഷയ്ക്കായി ഹെൽമറ്റ് ധരിക്കുന്നതിൻ്റെ നിർണായക പ്രാധാന്യത്തെക്കുറിച്ച് അവബോധം വളർത്തുന്നതിനുള്ള നേതൃത്വത്തിൻ്റെ ശ്രമത്തിൻ്റെ ഭാഗമാണ് ഈ കാമ്പയിൻ എന്ന് റാസൽഖൈമ പോലീസിലെ സെൻട്രൽ ഓപ്പറേഷൻസ് ഡയറക്ടർ ജനറൽ ബ്രിഗേഡിയർ അഹമ്മദ് അൽ സാം അൽ നഖ്ബി പറഞ്ഞു.
