അബുദാബിയിൽ ഉപരിതല പാർക്കിംഗ് ഫീസ് 2025 ജനുവരി 1 ബുധനാഴ്ച സൗജന്യമായിരിക്കുമെന്നും 2025 ജനുവരി 2 വ്യാഴാഴ്ച രാവിലെ 8 മണിക്ക് പാർക്കിംഗ് ഫീസ് നൽകുന്നത് പുനരാരംഭിക്കുമെന്നും അബുദാബി മൊബിലിറ്റി അറിയിച്ചു. കൂടാതെ, ജനുവരി 1ന് മുസഫ M-18 ട്രക്ക് പാർക്കിംഗ് ലോട്ടിലെ പാർക്കിംഗ് ഫീസും സൗജന്യമായിരിക്കും.
പൊതു അവധി ദിനമായ ജനുവരി 1 ബുധനാഴ്ച ഡാർബ് ടോൾ ഗേറ്റ് സംവിധാനം സൗജന്യമായിരിക്കുമെന്നും അധികൃതർ അറിയിച്ചു. ടോൾ ഗേറ്റ് ഫീസ് 2025 ജനുവരി 2 വ്യാഴാഴ്ച, തിരക്കേറിയ സമയങ്ങളിൽ (രാവിലെ 7 മുതൽ രാവിലെ 9 വരെയും വൈകുന്നേരം 5 മുതൽ 7 വരെയും) വീണ്ടും സജീവമാക്കും.
നിരോധിത സ്ഥലങ്ങളിൽ പാർക്കിംഗ് ഒഴിവാക്കണമെന്നും ഗതാഗത തടസ്സമുണ്ടാക്കുന്ന സ്വഭാവങ്ങൾ ഒഴിവാക്കണമെന്നും ആവശ്യപ്പെട്ടു. നിയുക്ത പാർക്കിംഗ് ഏരിയകളിൽ വാഹനമോടിക്കുന്നവർ കൃത്യമായി പാർക്ക് ചെയ്യണമെന്നും രാത്രി 9 മുതൽ രാവിലെ 8 വരെ റെസിഡൻഷ്യൽ പാർക്കിംഗ് സ്ഥലങ്ങളിൽ പാർക്കിംഗ് ഒഴിവാക്കണമെന്നും അബുദാബി മൊബിലിറ്റി അഭ്യർത്ഥിച്ചു.
