2025 നെ വരവേൽക്കാൻ ഒരുക്കിയ ആഘോഷങ്ങളുമായി ബന്ധപ്പെട്ട് ഏകദേശം 25,000 കോളുകൾ കൈകാര്യം ചെയ്തതായി ദുബായ് പോലീസ് അറിയിച്ചു.
2024 ഡിസംബർ 31 ന് ഉച്ചയ്ക്കും 2025 ജനുവരി 1 നും ഉച്ചയ്ക്കും ഇടയിൽ പുതുവത്സരാഘോഷത്തോട് അനുബന്ധിച്ച് എമർജൻസി, നോൺ എമർജൻസി ലൈനുകളിൽ മൊത്തം 24,723 കോളുകൾ ദുബായ് പോലീസിന് ലഭിച്ചു.
കമാൻഡ് & കൺട്രോൾ സെൻ്ററിലെയും 901 കോൾ സെൻ്ററിലെയും ജീവനക്കാരെ അവരുടെ പ്രൊഫഷണലിസത്തിനും പൊതു അന്വേഷണങ്ങളോടുള്ള പെട്ടെന്നുള്ള പ്രതികരണത്തിനും, ജനറൽ ഡിപ്പാർട്ട്‌മെൻ്റ് ഓഫ് ഓപ്പറേഷൻസ് ഡയറക്ടർ ബ്രിഗേഡിയർ തുർക്കി ബിൻ ഫാരിസ് അഭിനന്ദിക്കുകയും ചെയ്തു.
