ഷാർജയിൽ കണ്ടുകെട്ടിയ വാഹനങ്ങൾ തിരികെ ലഭിക്കാനുള്ള ഫീസ് ലംഘനത്തെ ആശ്രയിച്ച് 30,000 ദിർഹം വരെ എത്താമെന്ന് അധികൃതർ അറിയിച്ചു
അശ്രദ്ധമായി വാഹനമോടിക്കുന്നത് മൂലം ജനങ്ങളുടെയും സ്വത്തിൻ്റെയും സുരക്ഷയ്ക്ക് അപകടമുണ്ടാക്കുന്ന ഗുരുതരമായ കുറ്റങ്ങൾക്ക് കണ്ടുകെട്ടിയ വാഹനങ്ങൾ, നിയമപരമായ കണ്ടുകെട്ടൽ കാലാവധി അവസാനിച്ചുകഴിഞ്ഞാൽ ഫീസ് നൽകി തിരികെ എടുക്കാവുന്നതാണ്.
ഷാർജ എക്‌സിക്യൂട്ടീവ് കൗൺസിൽ തീരുമാനത്തിൽ പറഞ്ഞിരിക്കുന്നതുപോലെ ട്രാഫിക് കുറ്റങ്ങൾക്ക് ലഭിക്കാവുന്ന പിഴകളുടെ വിവരങ്ങൾ താഴെ പറയുന്ന പ്രകാരമാണ്. എല്ലാം പിഴ തുകയും ലംഘനത്തിൻ്റെ തീവ്രതയെ ആശ്രയിച്ചിരിക്കും
- ലൈസൻസില്ലാതെ ഇരുചക്ര വാഹനങ്ങളും മോട്ടോർ സൈക്കിളുകളും ഓടിച്ചാൽ 30,000 ദിർഹമാണ് പിഴ.
- പൊതുവഴിയിൽ റേസിംഗ് നടത്തി ജീവൻ അപകടത്തിലാക്കിയാൽ 20,000 ദിർഹമാണ് പിഴ.
- പൊതു അല്ലെങ്കിൽ സ്വകാര്യ സൗകര്യങ്ങൾക്ക് കേടുപാടുകൾ വരുത്തുന്ന രീതിയിൽ വാഹനമോടിച്ചാൽ 15,000 ദിർഹമാണ് പിഴ.
- 200km/h അല്ലെങ്കിൽ അതിനു മുകളിലുള്ള ഡ്രൈവിംഗ് ചെയ്താൽ 10,000 ദിർഹമാണ് പിഴ.
- വാഹനങ്ങൾക്കിടയിലോ മഞ്ഞ വര മറികടന്നുള്ള ഓവർടേക്കിങ്ങിന് 5,000 ദിർഹമാണ് പിഴ.
- പരമാവധി വേഗത പരിധിയിൽ 80 കിലോമീറ്ററിൽ നിന്നും മറികടന്നുള്ള ഡ്രൈവിംഗിന് 5,000 ദിർഹമാണ് പിഴ.
- ഒരു ചെറിയ അപകടം ഉണ്ടാക്കിയ ശേഷം നിർത്താതെപോയാൽ 5,000 ദിർഹമാണ് പിഴ.
- ചുവന്ന ലൈറ്റ് ചാടി വാഹനാപകടമുണ്ടാക്കിയാൽ 5,000 ദിർഹമാണ് പിഴ.
- വാഹനം നിയമവിരുദ്ധമായി പരിഷ്‌ക്കരിച്ചാലോ അല്ലെങ്കിൽ വളരെ ഉച്ചത്തിലുള്ള ശബ്ദത്തിന് വേണ്ടി മാറ്റങ്ങൾ വരുത്തിയാലോ 5,000 ദിർഹമാണ് പിഴ.
