യാത്രക്കാർക്ക് 10 കിലോയിൽ കൂടാത്ത ഹാൻഡ് ബാഗേജ് സൗജന്യമായി ലഭിക്കുമെന്ന് ബഡ്ജറ്റ് വിമാനക്കമ്പനിയായ എയർ അറേബ്യ ഇന്ന് തിങ്കളാഴ്ച അറിയിച്ചു. കൂടാതെ ഒരു കൈക്കുഞ്ഞുമായി യാത്ര ചെയ്യുന്നവർക്ക് 3 കിലോ അധികമായി അനുവദിക്കും. ഹാൻഡ് ബാഗേജ് ആയി ഒരു ബാഗേജും ഒരു ചെറിയ വ്യക്തിഗത ഇനവും ഉൾക്കൊള്ളിക്കാവുന്നതാണ്
എന്നാൽ ക്യാരി-ഓണിൻ്റെ അളവുകൾ 55cm x 40cm x 20cm ആയിരിക്കണമെന്നും ഓവർഹെഡ് കമ്പാർട്ട്മെൻ്റിൽ സുരക്ഷിതമായി വെക്കാൻ പറ്റുന്നതും ഒതുങ്ങുന്നതുമായിരിക്കണമെന്നും എയർലൈൻ പറഞ്ഞു
രണ്ടാമത്തെ ബാഗ് ആയ ഒരു ഹാൻഡ്ബാഗ്, ഒരു ഡ്യൂട്ടി ഫ്രീ ബാഗ് അല്ലെങ്കിൽ ഒരു ബാക്ക്പാക്ക്, യാത്രക്കാരൻ്റെ മുന്നിലുള്ള സീറ്റിനടിയിൽ ഘടിപ്പിക്കണം. ഇതിന്റെ അളവുകൾ 25cm x 33cm x 20cm ആയിരിക്കണം.
എമിറേറ്റ്‌സ്, ഫ്ലൈ ദുബായ്, എത്തിഹാദ് എയർവേയ്‌സ് തുടങ്ങിയ യുഎഇ എയർലൈനുകൾ 7 കിലോ വരെയാണ് ഹാൻഡ്‌ബാഗുകളിൽ അനുവദിക്കുന്നത്.
