20 വയസ്സുകാരിയായ യുക്രേനിയൻ മോഡലിനെ കാണാതായിട്ട് 10 ദിവസമായി എന്നും, ദുബായിലെ ഒരു റോഡരികിൽ ഉപേക്ഷിക്കപ്പെട്ട നിലയിൽ കണ്ടെത്തിയെന്നും, അവളെ മർദനമേറ്റ നിലയിൽ കണ്ടെത്തിയെന്നുമുള്ള റിപ്പോർട്ടുകൾ അല്ലെങ്കിൽ അവകാശവാദങ്ങൾ തെറ്റാണെന്ന് ദുബായ് പോലീസ് സ്ഥിരീകരിച്ചു.
ദുബായ് ഗവൺമെന്റ് മീഡിയ ഓഫീസ് വഴി പുറത്തിറക്കിയ ഔദ്യോഗിക പ്രസ്താവനയിൽ ആണ് ദുബായ് പോലീസ് ഇക്കാര്യം അറിയിച്ചത്‌. നിരവധി അന്താരാഷ്ട്ര റിപ്പോർട്ടുകളിൽ കാര്യമായ വസ്തുതാപരമായ കൃത്യതയില്ലെന്ന് ദുബായ് പോലീസ് ഊന്നിപ്പറഞ്ഞു. യുഎഇ നിയമങ്ങൾ അനുസരിച്ച്, അന്വേഷണം പുരോഗമിക്കുമ്പോൾ എല്ലാ തെളിവുകളും കേസ് വിശദാംശങ്ങളും രഹസ്യമായി തുടരുമെന്നും പോലീസ് പറഞ്ഞു.
ഈ ദുഷ്‌കരമായ സമയത്ത് സ്ഥിരീകരിക്കാത്ത വിവരങ്ങൾ പങ്കിടുന്നതിൽ നിന്ന് വിട്ടുനിൽക്കാനും വ്യക്തിയുടെയും കുടുംബത്തിന്റെയും സ്വകാര്യതയെ മാനിക്കാനും ഞങ്ങൾ പൊതുജനങ്ങളോടും മാധ്യമങ്ങളോടും അഭ്യർത്ഥിക്കുന്നുവെന്നും പോലീസ് പറഞ്ഞു.
