യുഎഇയിലുടനീളമുള്ള ഇന്നത്തെ കാലാവസ്ഥ പൊതുവെ തെളിഞ്ഞതായിരുന്നതെന്നും താപനില അതിരൂക്ഷമായി ഉയർന്നതായും നാഷണൽ സെന്റർ ഓഫ് മെറ്റീരിയോളജി (NCM) റിപ്പോർട്ട് ചെയ്തു. ഇന്ന് രാവിലെ രേഖപ്പെടുത്തിയ ഏറ്റവും കുറഞ്ഞ താപനില അൽ ദഫ്ര മേഖലയിലെ ബരാക 2 ൽ പുലർച്ചെ 5 മണിക്ക് 21.2°C ആയിരുന്നു. ഇതിനു വിപരീതമായി, അൽ ഐനിലെ സ്വീഹാനിൽ ഉയർന്ന താപനിലയായി ഉച്ചയ്ക്ക് 1:45 ന് 50°C രേഖപ്പെടുത്തി.
ഇന്ന് രാത്രിയും നാളെ ശനിയാഴ്ച രാവിലെയും, പ്രത്യേകിച്ച് തീരപ്രദേശങ്ങളിൽ, ഹ്യുമിഡിറ്റിയുള്ള കാലാവസ്ഥ പ്രതീക്ഷിക്കാമെന്നും NCM അറിയിച്ചു.
ശനിയാഴ്ചത്തെ NCM ന്റെ പ്രവചനപ്രകാരം താപനിലയിൽ നേരിയ കുറവ് ഉണ്ടാകും, ആകാശം ഭാഗികമായി മേഘാവൃതവും ചിലപ്പോൾ പൊടി നിറഞ്ഞ അവസ്ഥയും ഉണ്ടാകും. മണിക്കൂറിൽ 15 മുതൽ 30 കിലോമീറ്റർ വരെയും മണിക്കൂറിൽ 40 കിലോമീറ്റർ വരെയും വടക്കുപടിഞ്ഞാറൻ കാറ്റിന് സാധ്യതയുണ്ടെന്ന് NCM മുന്നറിയിപ്പ് നൽകിയിട്ടുണ്ട്.
