എത്തിഹാദ് റെയിൽ സ്റ്റേഷന്റെ നിർമ്മാണ പ്രവർത്തനങ്ങൾ കാരണം ഷാർജ യൂണിവേഴ്സിറ്റി സിറ്റിക്ക് സമീപം ഉണ്ടായ കനത്ത ഗതാഗതക്കുരുക്കിൽ കുടുങ്ങിയ താമസക്കാരോട് ഷാർജ റോഡ്സ് ആൻഡ് ട്രാൻസ്പോർട്ട് അതോറിറ്റി ക്ഷമാപണം നടത്തി.
‘അൽ ഖത് അൽ മുബാഷെർ’ (നേരിട്ടുള്ള ലൈൻ) എന്ന ടിവി ഷോയോട് സംസാരിച്ച ഷാർജ ആർടിഎ ചെയർമാൻ എഞ്ചിനീയർ യൂസഫ് ഖാമിസ് അൽ അത്മാനി ആണ് താമസക്കാരോട് ക്ഷമാപണം നടത്തിയത്.
തിരക്ക് കുറയ്ക്കുന്നതിനുള്ള അടിയന്തര നടപടികൾ സ്ഥിരീകരിച്ചിട്ടുണ്ടെന്നും . ഡൈവേർഷനിൽ മൂന്നാം ലെയ്ൻ കൂട്ടിച്ചേർക്കൽ, സ്കൂൾ സമയങ്ങളിൽ ജോലികൾ നിർത്തിവയ്ക്കുന്നതിന് കരാറുകാരനുമായുള്ള കരാർ എന്നിവയെല്ലാം അടിയന്തര നടപടികളിൽപ്പെടുന്നു.
തിങ്കളാഴ്ച മുതൽ ഗതാഗത സാഹചര്യങ്ങൾ മെച്ചപ്പെടുമെന്നും അൽ അത്മാനി ഉറപ്പുനൽകി, ഷാർ എമിറേറ്റിന്റെ കണക്റ്റിവിറ്റിക്ക് പദ്ധതിയുടെ ദീർഘകാല പ്രാധാന്യം ഊന്നിപ്പറയുകയും വികസനം സുഗമമായ ദൈനംദിന യാത്രകളുമായി സന്തുലിതമാക്കുമെന്നും അദ്ദേഹം പറഞ്ഞു.
