ദുബായ്: മയക്കുമരുന്ന് ഉപയോഗിച്ച ശേഷം വാഹനമോടിച്ച് അപകടമുണ്ടാക്കിയ പ്രവാസി ഡ്രൈവർക്ക് വൻ തുക പിഴ വിധിച്ച് ദുബായ് കോടതി. ഏഷ്യൻ പ്രവാസി ഡ്രൈവർക്കാണ് പിഴ ലഭിച്ചത്. കാർ മെറ്റൽ ബാരിയറിൽ തട്ടിയാണ് അപകടം ഉണ്ടായതിനെ തുടർന്ന് പോലീസ് സംഭവ സ്ഥലത്തെത്തിയപ്പോൾ ഡ്രൈവറുടെ പെരുമാറ്റത്തിൽ സംശയം തോന്നുകയായിരുന്നു.
പിന്നീട് നടത്തിയ പരിശോധനയിൽ ഇയാളുടെ പക്കൽ നിന്നും മയ ക്കുമ രുന്ന് കണ്ടെത്തി. ഇയാളെ ശാസ്ത്രീയ പരിശോധനയ്ക്ക് വിധേയനാക്കിയപ്പോൾ മ യക്കുമ രുന്ന് ഉപയോഗിച്ചിരുന്നുവെന്ന് സ്ഥിരീകരിക്കപ്പെട്ടു. പിന്നീട് കേസ് പബ്ലിക് പ്രോസിക്യൂഷനിലേക്ക് റഫർ ചെയ്യുകയായിരുന്നു. പ്രതി മയക്കുമരുന്ന് ഉപയോഗിച്ചിരുന്നുവെന്ന് കണ്ടെത്തിയതിനെ തുടർന്നാണ് കോടതി ഇയാൾക്ക് ശിക്ഷ വിധിച്ചത്. 25000 ദിർഹം പിഴയാണ് കോടതി ഇയാൾക്ക് വിധിച്ചത്. ഇയാളുടെ ഡ്രൈവിംഗ് ലൈസൻസ് ഒരു വർഷത്തേക്ക് സസ്‌പെൻഡ് ചെയ്യാനും കോടതി ഉത്തരവിട്ടു.
