ദുബായിൽ ഫ്ലാറ്റിലെ ബാൽക്കണിയിൽ നിന്ന് വീണ് മൂന്നുവയസ്സുകാരിക്ക് ദാരുണാന്ത്യം. ഇരിങ്ങാലക്കുട ആസാദ് റോഡ് സ്വദേശി മഞ്ഞളി ഡിബിന്റെയും ജെയിനിന്റെയും മൂന്നാമത്തെ മകൾ ഹന്ന റോസാണ് മരിച്ചത്. ദുബായിൽ ഫ്ലാറ്റിൽ 5-ാം നിലയിലാണ് കുടുംബം താമസിച്ചിരുന്നത്.
ഫ്ലാറ്റിലെ സിറ്റൗട്ടിനോട് ചേർന്നുള്ള ബാൽക്കണിയിൽ കളിക്കുന്നതിനിടയിൽ തറയിലെ ചില്ല് പൊട്ടി താഴേക്ക് വീണതാണെന്നാണ് ലഭിക്കുന്ന വിവരം. സംസ്കാരം ഇന്ന് 4ന് ഇരിങ്ങാലക്കുട സെന്റ് തോമസ് കത്തീഡ്രലിൽ. സഹോദരങ്ങൾ: ഗ്രേസ് തെരേസ, ആൽഫ്രഡ് ജോൺ.
