തെക്കൻ ലെബനനിലെ അധിനിവേശ പ്രദേശങ്ങളിൽ നിന്ന് ഇസ്രായേൽ സൈന്യം പിന്മാറിയെന്ന യു.എസിന്റെ അവകാശവാദം നിഷേധിച്ച് ഇസ്രായേലും ലെബനനും !
തെക്കൻ ലെബനനിലെ അധിനിവേശ പ്രദേശങ്ങളിൽ നിന്ന് ഇസ്രായേൽ സൈന്യം പിന്മാറിയെന്ന യു.എസ് സ്റ്റേറ്റ് ഡിപ്പാർട്ട്മെന്റിന്റെ അവകാശവാദം ഇസ്രായേലിലെയും ലെബനനിലെയും മുതിർന്ന ഉദ്യോഗസ്ഥർ ഇന്ന് വ്യാഴാഴ്ച നിഷേധിച്ചു.
ലെബനൻ ഗവൺമെന്റിനോടുള്ള സദ്ഭാവനയുടെ (Good faith gesture) ഭാഗമായാണ് ഇസ്രായേൽ സൈന്യത്തെ പിൻവലിച്ചതെന്നായിരുന്നു യു.എസ് ഉദ്യോഗസ്ഥൻ നേരത്തെ പറഞ്ഞിരുന്നത്.എന്നാൽ, നിലവിൽ അതിർത്തിയിലെ ‘ബഫർ സോണിൽ’ (Buffer zone) അത്തരം യാതൊരുവിധ സൈനിക ചലനങ്ങളും നടന്നിട്ടില്ലെന്ന് ഇരുപക്ഷവും സ്ഥിരീകരിച്ചു.
ഹിസ്ബുള്ളയുമായുള്ള യുദ്ധത്തിനിടയിൽ ഇസ്രായേൽ പിടിച്ചെടുത്ത ചില ലെബനീസ് പ്രദേശങ്ങൾ ലെബനൻ സൈന്യത്തിന് കൈമാറുന്നതിനായുള്ള ചർച്ചകൾ പുരോഗമിക്കുകയാണ്. യു.എസ് മുന്നോട്ടുവെച്ച സമാധാന നിർദ്ദേശത്തിന്റെ (US-backed proposal) ഭാഗമായാണ് ഇരുരാജ്യങ്ങളും ഈ വിഷയം ചർച്ച ചെയ്യുന്നത്.
അധിനിവേശ പ്രദേശങ്ങളുടെ നിയന്ത്രണം ഘട്ടംഘട്ടമായി ലെബനന് തന്നെ തിരികെ നൽകുക എന്നതാണ് ഈ പദ്ധതിയിലൂടെ ലക്ഷ്യമിടുന്നത്.c
