യു.എസ് പ്രസിഡന്റ് ഡൊണാൾഡ് ട്രംപിനെ ലക്ഷ്യമിട്ട് ഇറാൻ പുതിയതും കൃത്യവുമായ ഒരു വധശ്രമ പദ്ധതി തയ്യാറാക്കിയിട്ടുണ്ടെന്ന നിർണ്ണായക വിവരങ്ങൾ ഇസ്രായേൽ ഈ ആഴ്ച അമേരിക്കയുമായി പങ്കുവെച്ചതായി പ്രമുഖ യു.എസ് മാധ്യമങ്ങൾ റിപ്പോർട്ട് ചെയ്തു.
ട്രംപിന് നേരെ ഇറാനിൽ നിന്നുള്ള വധഭീഷണികൾ യു.എസ് സുരക്ഷാ ഏജൻസികൾ നേരത്തെ തന്നെ നിരീക്ഷിക്കുന്നുണ്ടായിരുന്നു. എന്നാൽ ഇസ്രായേൽ ഇപ്പോൾ നൽകിയിരിക്കുന്നത് തികച്ചും പുതിയതും വളരെ വ്യക്തവുമായ (Specific plot) വിവരങ്ങളാണെന്ന് സി.എൻ.എൻ (CNN), വാൾ സ്ട്രീറ്റ് ജേണൽ (WSJ) എന്നിവ റിപ്പോർട്ട് ചെയ്തു.
തുർക്കിയിൽ നടന്ന നാറ്റോ (NATO) ഉച്ചകോടിക്ക് ശേഷം ട്രംപ് തന്റെ സാധാരണ വിമാനത്തിന് പകരം പഴയൊരു വിമാനത്തിൽ രഹസ്യമായി യാത്ര തിരിഞ്ഞത് വലിയ ചർച്ചയായിരുന്നു. ഈ യാത്രാ മാറ്റത്തിന് പിന്നിൽ ഈ വധഭീഷണിയാകാം കാരണമെന്നാണ് സൂചന.
ഹോർമുസ് കടലിടുക്കിലെ കപ്പൽ ആക്രമണങ്ങളെ ചൊല്ലി അമേരിക്കയും ഇറാനും തമ്മിൽ കനത്ത മിസൈൽ-വ്യോമാക്രമണങ്ങൾ തുടരുന്നതിനിടയിലാണ് ട്രംപിനെതിരെയുള്ള വധഗൂഢാലോചന വിവരങ്ങളും പുറത്തുവരുന്നത്. ഇതോടെ ഇരുരാജ്യങ്ങളും തമ്മിലുള്ള ശത്രുത പൂർണ്ണ തോതിലുള്ള യുദ്ധത്തിലേക്ക് വഴിമാറുമെന്ന ആശങ്ക ഇരട്ടിയായി.
