ദക്ഷിണ ഇറാനിയൻ നഗരമായ ജാസ്കിലെ (Jask) പവർ പ്ലാന്റുകൾക്കും സലൈനേഷൻ പമ്പുകൾക്കും (Desalination pumps – കടൽവെള്ളം ശുദ്ധീകരിക്കുന്ന പമ്പുകൾ) നേരെ ശനിയാഴ്ച നിരവധി മിസൈലുകൾ പതിച്ചതായി പ്രാദേശിക ഉദ്യോഗസ്ഥരെ ഉദ്ധരിച്ച് ഇറാൻ മാധ്യമങ്ങൾ റിപ്പോർട്ട് ചെയ്തു.
കുടിവെള്ളം മുടങ്ങി: മിസൈലാക്രമണത്തിൽ പമ്പുകൾ തകർന്നതിനെ തുടർന്ന് ജാസ്കിലെ നിരവധി ഗ്രാമങ്ങളിലേക്കുള്ള കുടിവെള്ള വിതരണം പൂർണ്ണമായും തടസ്സപ്പെട്ടതായി ഔദ്യോഗിക വക്താവ് സ്ഥിരീകരിച്ചു.
ആളപായം റിപ്പോർട്ട് ചെയ്തു: ഹോർമോസ്ഗാൻ (Hormozgan) പ്രവിശ്യയിലുണ്ടായ “ശത്രുക്കളുടെ” വ്യോമാക്രമണത്തിൽ മൂന്ന് പേർ കൊല്ലപ്പെടുകയും എട്ട് പേർക്ക് പരിക്കേൽക്കുകയും ചെയ്തിട്ടുണ്ട്.
യാത്രാവിലക്കും ജാഗ്രതയും: മേഖലയിൽ വീണ്ടും ആക്രമണമുണ്ടാകാനുള്ള സാധ്യത കണക്കിലെടുത്ത്, ഹോർമോസ്ഗാൻ ഗവർണറേറ്റ് പ്രവിശ്യയിലെ താമസക്കാർക്ക് അടിയന്തര നിർദ്ദേശം നൽകിയിട്ടുണ്ട്. അത്യവശ്യ കാര്യങ്ങൾക്കൊഴികെ മറ്റൊന്നിനും ആരും പുറത്തിറങ്ങുകയോ യാത്ര ചെയ്യുകയോ ചെയ്യരുതെന്ന് തസ്നിം (Tasnim) വാർത്താ ഏജൻസി റിപ്പോർട്ട് ചെയ്തു.
