ദുബായിലെ ഏറ്റവും തിരക്കേറിയ ചില പാതകളിലെ ഗതാഗതപ്രവാഹം മെച്ചപ്പെടുത്തുന്നതിനായി, ദുബായിലെ നാല് പ്രധാന ജംഗ്ഷനുകളിൽ പുതിയ പാലങ്ങൾ, തുരങ്കങ്ങൾ, പാതകൾ, സർവീസ് റോഡുകൾ എന്നിവ ഉൾപ്പെടുത്തി നവീകരണ പ്രവർത്തനങ്ങൾ നടത്തുന്നു.
പദ്ധതിയുടെ പ്രധാന ലക്ഷ്യം: ദുബായിലെ പ്രധാന പാതകളിലെ ഗതാഗത തടസ്സങ്ങൾ ഒഴിവാക്കി ഗതാഗത ശേഷി (Road capacity) 50% വർദ്ധിപ്പിക്കുകയും യാത്രാസമയം 20 മിനിറ്റിൽ നിന്ന് 5 മിനിറ്റായി കുറയ്ക്കുകയും ചെയ്യുക.
പൂർത്തീകരണ തീയതി: പദ്ധതിയുടെ 90% പണികളും പൂർത്തിയായിട്ടുണ്ട്. പുതിയ 3-ലൈൻ പാലം പ്രവർത്തനസജ്ജമായിക്കഴിഞ്ഞു. രണ്ട് അണ്ടർപാസുകളും (Tunnels) അടുത്ത പാലവും ഓഗസ്റ്റ് അവസാനത്തോടെ തുറന്നുനൽകും.
പ്രയോജനം ലഭിക്കുന്ന പ്രധാന മേഖലകൾ: സബീൽ (Zabeel), അൽ ജദ്ദാഫ് (Al Jaddaf), ഔദ് മേത്ത (Oud Metha), ഉം ഹുറൈർ (Umm Hurair), ലത്തീഫ ഹോസ്പിറ്റൽ പരിസരം.
4 പ്രധാന ജംഗ്ഷനുകളിലെ മാറ്റങ്ങൾ:
-
ഔദ് മേത്ത സ്ട്രീറ്റ് – ഷെയ്ഖ് റാഷിദ് റോഡ് ജംഗ്ഷൻ:
-
അൽ ഗർഹൂദ് ബ്രിഡ്ജിലേക്ക് പോകുന്ന വാഹനങ്ങൾക്കായി ഒരു അധിക ലൈൻ കൂടി നിർമ്മിച്ച് ശേഷി മണിക്കൂറിൽ 1,800 വാഹനങ്ങളാക്കി.
-
ഷെയ്ഖ് റാഷിദ് റോഡിൽ നിന്ന് ദുബായ്-അൽ ഐൻ റോഡിലേക്ക് തിരിയുന്ന റൈറ്റ്-ടേൺ ലൈനുകൾ 2-ൽ നിന്ന് 3 ആക്കി ഉയർത്തി (ശേഷി: മണിക്കൂറിൽ 4,000 വാഹനങ്ങൾ).
-
ബർ ദുബായിലേക്ക് പോകുന്നവർക്കായി ഔദ് മേത്ത സർവീസ് റോഡിനെ ബന്ധിപ്പിക്കുന്ന പുതിയ ടണൽ വരുന്നു.
-
-
ഔദ് മേത്ത സ്ട്രീറ്റ് – അൽ അസൈൽ സ്ട്രീറ്റ് – അൽ വസൽ ക്ലബ് സ്ട്രീറ്റ് ജംഗ്ഷൻ:
-
അൽ അസൈൽ സ്ട്രീറ്റിൽ നിന്ന് അൽ വസൽ ക്ലബ്ബ് റോഡിലേക്ക് 2-ലൈൻ പാലം.
-
അൽ ഖൈൽ റോഡിൽ നിന്ന് അൽ അസൈൽ സ്ട്രീറ്റിലേക്ക് മണിക്കൂറിൽ 3,600 വാഹനങ്ങൾക്ക് കടന്നുപോകാവുന്ന 3-ലൈൻ പാലം.
-
അൽ അസൈൽ സ്ട്രീറ്റിൽ നിന്ന് ഔദ് മേത്തയിലേക്ക് ലെഫ്റ്റ്-ടേണിനായി 2-ലൈൻ പാലം (ശേഷി: മണിക്കൂറിൽ 2,400 വാഹനങ്ങൾ).
-
-
അൽ വസൽ ക്ലബ് സ്ട്രീറ്റ് – അൽ ഖൈൽ റോഡ് ജംഗ്ഷൻ:
-
ബിസിനസ്സ് ബേ ക്രോസിംഗിലേക്ക് പോകുന്നവർക്കായി മണിക്കൂറിൽ 3,000 വാഹന ശേഷിയുള്ള 2-ലൈൻ പാലം.
-
അൽ വസൽ ക്ലബ്ബിൽ നിന്നുള്ള എക്സിറ്റ് 2-ലൈനായി വികസിപ്പിക്കും. ഇരുവശങ്ങളിലേക്കും സർവീസ് റോഡുകളും പാർക്കിംഗ് സൗകര്യവും ഉണ്ടാകും.
-
-
സബീൽ പാലസ് സ്ട്രീറ്റ് – അൽ ഖൈൽ റോഡ് – ഔദ് മേത്ത സ്ട്രീറ്റ് ജംഗ്ഷൻ:
-
അൽ ഖൈൽ റോഡിൽ നിന്ന് ദുബായ്-അൽ ഐൻ റോഡിലേക്ക് തിരിയുന്ന റാംപിന്റെ ശേഷി ഇരട്ടിയാക്കി (മണിക്കൂറിൽ 1,800 വാഹനങ്ങൾ).
-
ദുബായ്-അൽ ഐൻ റോഡിൽ നിന്ന് അൽ വസൽ ക്ലബ്ബ് റോഡിലേക്ക് മണിക്കൂറിൽ 1,200 വാഹനങ്ങൾക്ക് കടന്നുപോകാവുന്ന ഏകവരി ടണൽ.
-
അൽ ഖൈൽ റോഡിൽ നിന്ന് ഔദ് മേത്തയിലേക്കുള്ള നിലവിലെ പാലം 2 ലൈനിൽ നിന്ന് 3 ലൈനായി ഉയർത്തും (ശേഷി: മണിക്കൂറിൽ 3,300 വാഹനങ്ങൾ).
-
يأتي افتتاح الجسر الرئيسي ضمن مشروع تطوير شارعي عود ميثاء والأصايل، في إطار جهود #هيئة_الطرق_و_المواصلات لاستيعاب احتياجات التطور العمراني والنمو السكاني. يسهم المشروع في تعزيز انسيابية الحركة المرورية للقادمين من شارع الخيل باتجاه شارع الأصايل، ورفع الطاقة الاستيعابية لشارع عود… pic.twitter.com/gHxujuCrat
— RTA (@rta_dubai) July 26, 2026
