വേഗപരിധി കുറച്ചു: ഷെയ്ഖ് തഹ്നൂൻ ബിൻ മുഹമ്മദ് റോഡിൽ (മസാക്കിൻ – അൽ ഷുഐബ് പാലം വരെ) കാണാവുന്ന ദൂരപരിധി കുറഞ്ഞതിനെ തുടർന്ന് വേഗത 100 km/h ആയി കുറയ്ക്കുന്ന സിസ്റ്റം അബുദാബി പോലീസ് ആക്റ്റീവ് ആക്കി.
പോലീസിന്റെ മുന്നറിയിപ്പ്: മോശം കാലാവസ്ഥ കാരണം ഡ്രൈവർമാർ അതീവ ജാഗ്രത പാലിക്കണമെന്നും, വാഹനമോടിക്കുമ്പോൾ മൊബൈൽ ഫോൺ ഉപയോഗിക്കുന്നതും ഫോട്ടോയെടുക്കുന്നതും ഉൾപ്പെടെയുള്ള ശ്രദ്ധ തിരിക്കുന്ന കാര്യങ്ങളിൽ നിന്ന് മാറിനിൽക്കണമെന്നും അബുദാബി പോലീസ് അഭ്യർത്ഥിച്ചു.
പ്രതികൂല കാലാവസ്ഥ: യു.എ.ഇയിലെ വിവിധ പ്രദേശങ്ങളിൽ കാലാവസ്ഥ വ്യതിയാനം തുടരുകയാണ്. മസാഫി, മർബദ് തുടങ്ങിയ കിഴക്കൻ പ്രദേശങ്ങളിൽ കനത്ത മഴയും ആലിപ്പഴ വർഷവും രേഖപ്പെടുത്തിയപ്പോൾ, അബുദാബിയിലെ ചില ഭാഗങ്ങളിൽ ശക്തമായ പൊടിയും മൂടൽമഞ്ഞും കാരണം കാഴ്ചപരിധി ഗണ്യമായി കുറഞ്ഞിട്ടുണ്ട്.
