ദുബായിൽ പുതിയ ഡ്രൈവിംഗ് ലൈസൻസ് എടുക്കുന്നതിനും നിലവിലുള്ളവ പുതുക്കുന്നതിനും നിർബന്ധമായ കണ്ണ് പരിശോധന (Eye Test) നടത്തുന്നതിനായി കൂടുതൽ കേന്ദ്രങ്ങൾ തുറന്ന് റോഡ്സ് ആൻഡ് ട്രാൻസ്പോർട്ട് അതോറിറ്റി (RTA). ആർ.ടി.എയുടെ അംഗീകൃത ഐ ടെസ്റ്റ് സെന്ററുകളുടെ എണ്ണത്തിൽ 30 ശതമാനം വർദ്ധനവാണ് വരുത്തിയിരിക്കുന്നത്.
2026-ന്റെ ആദ്യ പകുതിയിൽ മാത്രം 100 പുതിയ അംഗീകൃത ഐ ടെസ്റ്റ് സെന്ററുകൾ കൂടി ആർ.ടി.എ ശൃംഖലയിലേക്ക് കൂട്ടിച്ചേർത്തു.
മൊത്തം 434 കേന്ദ്രങ്ങൾ: പുതിയ കേന്ദ്രങ്ങൾ വന്നതോടെ ദുബായിലുടനീളം ആർ.ടി.എ അംഗീകാരമുള്ള കണ്ണ് പരിശോധനാ കേന്ദ്രങ്ങളുടെ ആകെ എണ്ണം 434 ആയി ഉയർന്നു.
ലക്ഷ്യം: ഡ്രൈവിംഗ് ലൈസൻസ് സേവനങ്ങൾക്കായുള്ള അപേക്ഷകരുടെ വർദ്ധനവ് കണക്കിലെടുത്ത്, നടപടിക്രമങ്ങൾ കൂടുതൽ വേഗത്തിലും സുഗമമായും പൂർത്തിയാക്കാൻ വാഹനമോടിക്കുന്നവരെ സഹായിക്കുകയാണ് ഈ വിപുലീകരണം കൊണ്ട് ലക്ഷ്യമിടുന്നത്.
