യുഎഇയിൽ പുതിയ അധ്യയന വർഷം ആരംഭിച്ചത്തോടനുബന്ധിച്ച്, ഷാർജ റോഡ്സ് ആൻഡ് ട്രാൻസ്പോർട്ട് അതോറിറ്റി (SRTA) അൽ ജസാത്ത് (Al Jazzat), അൽ ഹസാന (Al Hazana) എന്നീ പ്രദേശങ്ങളിലെ റോഡ് വികസനവും അറ്റകുറ്റപ്പണികളും പൂർത്തിയാക്കി.
റോഡ് ശൃംഖല ശക്തിപ്പെടുത്തുന്നതിനും, ഗതാഗത കുരുക്ക് ഒഴിവാക്കുന്നതിനും, വാഹനയാത്രക്കാർക്കും കാൽനടയാത്രക്കാർക്കും സുരക്ഷ ഉറപ്പാക്കുന്നതിനുമാണ് ഈ പദ്ധതികൾ നടപ്പിലാക്കിയത്.
അൽ ജസാത്ത് പ്രദേശം: 785 മീറ്റർ ദൂരത്തിലും ഏകദേശം 7,000 ചതുരശ്ര മീറ്റർ വിസ്തൃതിയിലും റോഡിലെ അസ്ഫാൽറ്റ് പാളികളുടെ നവീകരണവും റോഡ് മാർക്കിംഗുകളുടെ പെയിന്റിംഗും പൂർത്തിയാക്കി.
അൽ ഹസാന പ്രദേശം: ഈ പദ്ധതി 730 മീറ്റർ ദൂരത്തിലും ഏകദേശം 6,500 ചതുരശ്ര മീറ്റർ വിസ്തൃതിയിലുമാണ് നടപ്പിലാക്കിയത്.
ലക്ഷ്യം: ഇരു ദിശകളിലേക്കുമുള്ള റോഡുകളുടെ നിലവാരം ഉയർത്തുന്നതിലൂടെ സുഗമമായ ഗതാഗതം സാധ്യമാക്കുക, പുതിയ അധ്യയന വർഷത്തിൽ വിദ്യാർത്ഥികളുടെയും രക്ഷിതാക്കളുടെയും യാത്രാദുരിതം കുറയ്ക്കുക.
സ്കൂൾ തുറക്കലുമായി ബന്ധപ്പെട്ട മറ്റ് മുന്നൊരുക്കങ്ങൾ:
വിദ്യാർത്ഥികളുടെ മടക്കം: ഓഗസ്റ്റ് 31-ന് യുഎഇയിലാകെ 1,180-ലധികം സ്കൂളുകളിലായി 1.277 ദില്ല്യണിലധികം വിദ്യാർത്ഥികളാണ് പുതിയ അധ്യയന വർഷത്തിനായി തിരിച്ചെത്തിയത്.
ഷാർജ പോലീസിന്റെ ഇടപെടൽ: സ്കൂൾ പരിസരങ്ങളിലും പ്രധാന ജങ്ഷനുകളിലും പെട്രോളിങ് ശക്തമാക്കാനും, പീക്ക് ഹൗസുകളിൽ ട്രാഫിക് നിയന്ത്രിക്കാനും, സ്കൂൾ ബസുകൾ കർശനമായി നിരീക്ഷിക്കാനും ഷാർജ പോലീസ് നേരത്തെ തന്നെ നടപടികൾ സ്വീകരിച്ചിരുന്നു. സ്കൂൾ പ്രവേശന കവാടങ്ങളിൽ വാഹനങ്ങൾ തടസ്സപ്പെടുത്തരുതെന്നും നിർദ്ദേശമുണ്ട്.
ഷാർജയെയും ദുബായിയെയും ബന്ധിപ്പിക്കുന്ന പ്രധാന പാതകളിൽ ഗതാഗതക്കുരുക്ക് പരിഹരിക്കുന്നതിന്റെ ഭാഗമായി എമിറേറ്റ്സ് റോഡിൽ (Emirates Road) അഞ്ച് കിലോമീറ്റർ ദൂരത്തിൽ രണ്ട് പുതിയ ലെനുകൾ കൂടി തുറന്നു. ഇതോടെ റോഡിലെ ലെനുകളുടെ എണ്ണം ആറിൽ നിന്ന് എട്ടായി ഉയർന്നു. ഇത് റോഡ് കപ്പാസിറ്റി 33 ശതമാനം വർദ്ധിപ്പിക്കുമെന്നും, തിരക്കു സമയത്തെ യാത്രാ സമയം 25 ശതമാനം വരെ കുറയ്ക്കുമെന്നുമാണ് പ്രതീക്ഷിക്കുന്നത്.
