അബുദാബി: യുഎഇയിൽ മൂടൽമഞ്ഞിന് സാധ്യത. ഇന്ന് യുഎഇയിൽ ഭാഗികമായി മേഘാവൃതമായ കാലാവസ്ഥ. ഉച്ചകഴിഞ്ഞ് കിഴക്കോട്ട് മേഘങ്ങൾ പ്രത്യക്ഷപ്പെടാം. ഇവ സംവഹന സ്വഭാവമുള്ളവയാകാം. സംവഹന മേഘങ്ങൾ മഴയുമായി ബന്ധപ്പെട്ടിരിക്കുന്നു. മൂടൽ മഞ്ഞിന്റെ സാഹചര്യത്തിൽ നാഷണൽ സെന്റർ ഫോർ മെറ്റീരിയോളജി റെഡ്, യെല്ലോ, അലേർട്ടുകൾ പ്രഖ്യാപിച്ചിട്ടുണ്ട്. ദൃശ്യപരത കുറയാൻ സാധ്യതയുള്ളതിനാൽ വാഹനമോടിക്കുന്നവർ ജാഗ്രത പാലിക്കണമെന്നാണ് നിർദ്ദേശം.
അതേസമയം, അബുദാബിയിൽ താപനില 39°C ഉം ദുബായിൽ 40°C ഉം ഷാർജയിൽ 42°C ഉം ആയി ഉയരും. ചില തീരദേശ, ഉൾപ്രദേശങ്ങളിൽ രാത്രിയിലും ബുധനാഴ്ച രാവിലെയും ഈർപ്പമുള്ളതായിരിക്കും. നേരിയതോ മിതമായതോ ആയ കാറ്റ് വീശും.
അറേബ്യൻ ഗൾഫിൽ കടൽ നേരിയ തോതിൽ തിരമാലകൾ ഉണ്ടാകുമെങ്കിലും, ഒമാൻ കടലിൽ ബുധനാഴ്ച രാവിലെ സ്ഥിതി പ്രക്ഷുബ്ധമാകാൻ സാധ്യതയുണ്ട്.
