യുഎഇയിൽ ഇന്ന് (നവംബർ 2, തിങ്കൾ) വിവിധ പ്രദേശങ്ങളിൽ മഴയ്ക്ക് സാധ്യതയുണ്ടെന്നും താപനില 38°C ആയി കുറയുമെന്നും ദേശീയ കാലാവസ്ഥാ നിരീക്ഷണ കേന്ദ്രം (NCM) അറിയിച്ചു. ഈർപ്പത്തിന്റെ അളവ് 90 ശതമാനം വരെ ഉയരുന്നതിനാൽ തിങ്കളാഴ്ച രാത്രിയിലും ചൊവ്വാഴ്ച പുലർച്ചെയുമായി മൂടൽമഞ്ഞിന് (Fog/Mist) സാധ്യതയുണ്ട്.
ഉപരിതല കുറഞ്ഞ മർദ്ദ വ്യവസ്ഥയുടെ ഫലമായി രാജ്യത്തിന്റെ കിഴക്കൻ, തെക്കൻ മേഖലകളിൽ ഉച്ചയ്ക്ക് ശേഷം കൺവെക്റ്റീവ് മേഘങ്ങൾ രൂപപ്പെടുന്നതോടെ മഴ പെയ്യാൻ സാധ്യതയുണ്ട്.
നവംബർ മാസത്തിലേക്ക് കടന്നെങ്കിലും ഉൾ പ്രദേശങ്ങളിൽ ഉയർന്ന താപനില 35°C മുതൽ 38°C വരെയും, തീരദേശങ്ങളിൽ 33°C മുതൽ 37°C വരെയും, മലയോര മേഖലകളിൽ 26°C മുതൽ 32°C വരെയുമായിരിക്കും. ഈർപ്പം 90% വരെ ഉയർന്നേക്കാം.
മണിക്കൂറിൽ 10 മുതൽ 25 കി.മീ വേഗതയിൽ വീശുന്ന കാറ്റ്, മേഘാവൃതമായ അന്തരീക്ഷത്തിൽ 40 കി.മീ വരെ വേഗതയിൽ വീശാം.
