fbpx
UAE News

അബുദാബി ഗവൺമെൻറ് ചെറുകിട സ്ഥാപനങ്ങളുടെ ലൈസൻസ് ഫീസ്‌ 1000 ദിർഹം മാത്രമാക്കി

 

അബുദാബി എമിറേറ്റിലെ ബിസിനസ് സെറ്റപ്പ് ഫീസ്‌ 1000 ദിർഹം മാത്രമാക്കി കുറച്ചതായി അധികൃതർ അറിയിച്ചു. ലൈസൻസ് പുതുക്കൽ ഫീസും 1,000 ദിർഹമായി കുറച്ചിട്ടുണ്ട്.നിലവിലുണ്ടായിരുന്ന ഫീസിൽ 90 ശതമാനത്തിലധികം കുറവാണിത്.

സ്വകാര്യമേഖലയ്ക്ക്, പ്രത്യേകിച്ച് മൈക്രോ, ചെറുകിട, ഇടത്തരം സംരംഭങ്ങൾക്ക് കൂടുതൽ അഭിവൃദ്ധി പ്രാപിക്കാനുള്ള ബിസിനസ്സ് അന്തരീക്ഷം സൃഷ്ടിക്കാനുള്ള അബുദാബി സർക്കാരിന്റെ ശ്രമങ്ങളുടെ ഭാഗമാണിത്. ഇത് പ്രാബല്യത്തിൽ വരുന്നതോടെ ചെറുകിട ബിസിനസ് ചെയ്യുന്നവർക്ക് ഈ തീരുമാനം വളരെ ആശ്വാസമായി മാറും.

അബുദാബി സാമ്പത്തിക വികസന വകുപ്പിന്റെ (ADDED) നേതൃത്വത്തിൽ അബുദാബി ചേംബർ ഓഫ് കൊമേഴ്‌സ് ആൻഡ് ഇൻഡസ്ട്രി ഉൾപ്പെടെ നിരവധി സർക്കാർ സ്ഥാപനങ്ങളുമായി സഹകരിച്ചാണ് ഈ തീരുമാനം കൈകൊണ്ടത്. പുതിയ ഫീസ് നിയമം 2021 ജൂലൈ 27 ചൊവ്വാഴ്ച മുതൽ പ്രാബല്യത്തിൽ വരും.

ഈ നീക്കം എമിറേറ്റുകളിൽ ബിസിനസ്സ് ചെയ്യുന്നതിനുള്ള എളുപ്പത്തെ ഗണ്യമായി വർദ്ധിപ്പിക്കുകയും പ്രാദേശികമായും അന്തർദ്ദേശീയമായും അബുദാബിയുടെ മത്സരശേഷി വർദ്ധിപ്പിക്കുകയും ചെയ്യും. ഒരു നിശ്ചിത ഫീസ് ഏർപ്പെടുത്തുന്നത് സുതാര്യത വർദ്ധിപ്പിക്കുകയും ചെയ്യുമെന്നാണ് അധികൃതർ വിലയിരുത്തുന്നത്.

error: Content is protected !!