യു എ ഇയിൽ ആക്റ്റീവ് കോവിഡ് കേസുകൾ 68,000 കടന്നു. ഇന്ന് 2022 ഫെബ്രുവരി 3 ന് പുതിയ 2,232 കൊറോണ വൈറസ് കേസുകളാണ് റിപ്പോർട്ട് ചെയ്തിരിക്കുന്നത്. കഴിഞ്ഞ 24 മണിക്കൂറിനുള്ളിൽ 2 കോവിഡ് മരണങ്ങളും രേഖപ്പെടുത്തി.
2,232 പുതിയ കൊറോണ വൈറസ് കേസുകളോടെ യുഎഇയിൽ ഇതുവരെ റിപ്പോർട്ട് ചെയ്യപ്പെട്ട കൊറോണ വൈറസ് കേസുകളുടെ എണ്ണം 851,537 ആയി. യുഎഇയിൽ കോവിഡുമായി ബന്ധപ്പെട്ടുള്ള ഇത് വരെയുള്ള മരണസംഖ്യ 2,253 ആണ്. കഴിഞ്ഞ 24 മണിക്കൂറിനുള്ളിൽ 1427 പേർ കൂടി രോഗമുക്‌തി നേടിയതോടെ ആകെ മുക്‌തി നേടിയവരുടെ എണ്ണം 780,893 ആയി.
നിലവിൽ യു എ ഇയിൽ 68,391 സജീവ കോവിഡ് കേസുകളാണുള്ളത്. 491,658 അധിക പരിശോധനകളിലൂടെയാണ് ഇന്നത്തെ 2,232 പുതിയ കേസുകൾ കണ്ടെത്തിയത്.
