“ഇന്ത്യ-യുഎഇ വ്യാപാര ബന്ധങ്ങളിലെ നാഴികക്കല്ലും നിർണായകവുമായ കരാറാണ് സമഗ്ര സാമ്പത്തിക പങ്കാളിത്ത കരാർ (സിഇപിഎ).
ഇരു രാജ്യങ്ങളും വിവിധ മേഖലകളിലെ പ്രധാന വ്യാപാര പങ്കാളികളാണ്. സിഇപിഎ ഒപ്പിടുന്നതോടെ, സഹകരണത്തിന്റെ നിരവധി പുതിയ വഴികൾ തുറക്കുമെന്നതിൽ സംശയമില്ല. യുഎഇ മിഡിൽ ഈസ്റ്റിലേക്കും ആഫ്രിക്കയിലേക്കുമുള്ള ഒരു പ്രധാന കവാടമായതിനാൽ ഇത് രണ്ട് രാജ്യങ്ങളിൽ നിന്നുമുള്ള ബിസിനസുകൾക്ക് പ്രയോജനം ചെയ്യും. 53 ബില്യൺ യുഎസ് ഡോളറിന്റെ നിലവിലെ ഉഭയകക്ഷി വ്യാപാരം അഞ്ച് വർഷത്തിനുള്ളിൽ ഇരട്ടിയായി 100 ബില്യൺ ഡോളറായി ഉയരുമെന്ന് പ്രതീക്ഷിക്കുന്നു.”
“റീട്ടെയിൽ, ഭക്ഷ്യ സംസ്‌കരണ മേഖലകളിൽ ഗണ്യമായ സാന്നിധ്യമുള്ള യുഎഇ ആസ്ഥാനമായുള്ള ബിസിനസ് ഗ്രൂപ്പ് എന്ന നിലയിൽ, ഇന്ത്യയിൽ നിന്നുള്ള ഞങ്ങളുടെ ഇറക്കുമതി യുഎഇയുടെ ഭക്ഷ്യസുരക്ഷയെ കൂടുതൽ ശക്തിപ്പെടുത്തുന്ന വളർച്ചയുടെ പുതിയ തലങ്ങൾ കാണുമെന്ന് ഞങ്ങൾ പ്രതീക്ഷിക്കുന്നു.” – ലുലു ഗ്രൂപ്പ് ചെയർമാനും അബുദാബി ചേംബർ ഓഫ് കോമേഴ്‌സ് വൈസ് ചെയർമാനുമായ എം എ യൂസുഫലി പറഞ്ഞു.
