അജ്മാനിൽ അൽ ജർഫ് ഏരിയയിൽ പാർക്ക് ചെയ്തിരുന്ന വാഹനത്തിൽ നിന്ന് ലാപ്‌ടോപ്പ് മോഷ്ടിച്ചതിന് 16 കാരനായ ഗൾഫ് പൗരനെ അജ്മാൻ പോലീസ് അറസ്റ്റ് ചെയ്തു. കൂടാതെ പരിസരവാസികൾക്കിടയിൽ പരിഭ്രാന്തി പരത്തുകയും മോഷണം നടന്നതായി പ്രചരിക്കുകയും ചെയ്‌തതിനാൽ മോഷണത്തിന്റെ വീഡിയോ റെക്കോർഡിംഗ് നടത്തിയ ഒരാളും അറസ്റ്റിലായി.
പ്രദേശത്തെ നിരീക്ഷണ ക്യാമറകളിൽ നിന്നുള്ള ദൃശ്യങ്ങൾ പരിശോധിച്ചതിൽ നിന്ന് അജ്മാൻ പോലീസ് മോഷണം ലക്ഷ്യമിട്ട് നിരവധി വാഹനങ്ങൾ അൺലോക്ക് ചെയ്തതായി കണ്ടെത്തിയതായി ക്രിമിനൽ ഇൻവെസ്റ്റിഗേഷൻ ഡിപ്പാർട്ട്‌മെന്റ് ഡയറക്ടർ ലെഫ്റ്റനന്റ് കേണൽ അഹമ്മദ് സയീദ് അൽ നുഐമി പറഞ്ഞു.
പോലീസ് ഉടൻ തന്നെ ആളെ തിരിച്ചറിയുകയും മണിക്കൂറുകൾക്കകം 16 വയസുകാരനെ അറസ്റ്റ് ചെയ്യുകയും ചെയ്തു. വാഹനങ്ങൾ സുരക്ഷിതമാക്കാനും പാർക്ക് ചെയ്തിരിക്കുന്ന വാഹനങ്ങൾക്കുള്ളിൽ വിലപിടിപ്പുള്ള വസ്തുക്കൾ വെക്കുന്നത് ഒഴിവാക്കാൻ പൊതുജനങ്ങളോടും കമ്മ്യൂണിറ്റി അംഗങ്ങളോടും ലെഫ്റ്റനന്റ് കേണൽ അൽ നുഐമി അഭ്യർത്ഥിച്ചു.
കൂടാതെ കമ്മ്യൂണിറ്റി അംഗങ്ങൾക്കിടയിൽ പരിഭ്രാന്തി പരത്തുന്ന എന്തെങ്കിലും കാര്യങ്ങൾ പ്രചരിപ്പിക്കുന്നതിനോ പ്രസിദ്ധീകരിക്കുന്നതിനോ എതിരെ അദ്ദേഹം പൊതുജനങ്ങൾക്ക് മുന്നറിയിപ്പ് നൽകുകയും ചെയ്തു.
