റമദാൻ മാസത്തിലെ ദുബായ് മെട്രോ, ട്രാം, കസ്റ്റമർ ഹാപ്പിനെസ്സ് സെന്റർ എന്നിവയുടെ പ്രവർത്തനസമയങ്ങൾ റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (RTA) പ്രഖ്യാപിച്ചു.
ദുബായ് മെട്രോ റെഡ്, ഗ്രീൻ ലൈൻ സ്റ്റേഷനുകൾ തിങ്കൾ മുതൽ വ്യാഴം വരെ രാവിലെ 5 മുതൽ അർദ്ധരാത്രി വരെ പ്രവർത്തിക്കും. വെള്ളിയാഴ്ചകളിൽ, രാവിലെ 5 മുതൽ അടുത്ത ദിവസം പുലർച്ചെ 1 വരെയും ശനിയാഴ്ച രാവിലെ 5 മുതൽ അർദ്ധരാത്രി വരെയും കൂടാതെ ഞായറാഴ്ചകളിൽ രാവിലെ 8 മുതൽ അർദ്ധരാത്രി വരെയും പ്രവർത്തിക്കും.
ദുബായ് ട്രാം തിങ്കൾ മുതൽ ശനി വരെ രാവിലെ 6 മുതൽ അടുത്ത ദിവസം പുലർച്ചെ 1 വരെ ഓടും, ഞായറാഴ്ചകളിൽ രാവിലെ 9 മുതൽ അടുത്ത ദിവസം പുലർച്ചെ 1 വരെയും പ്രവർത്തിക്കും.
ഉപഭോക്തൃ സന്തോഷ കേന്ദ്രങ്ങൾ (Customer happiness centres ) തിങ്കൾ മുതൽ വ്യാഴം വരെ രാവിലെ 9 മുതൽ വൈകിട്ട് 5 വരെയും വെള്ളിയാഴ്ചകളിൽ രാവിലെ 9 മുതൽ ഉച്ചയ്ക്ക് 12 വരെയും പ്രവർത്തിക്കും. ഉം റമൂൽ, അൽ മനാറ, ദെയ്‌റ, അൽ ബർഷ, തവാർ, അൽ കഫാഫ്, ആർടിഎയുടെ ഹെഡ് ഓഫീസ് എന്നിവിടങ്ങളിലെ സ്‌മാർട്ട് കസ്റ്റമർ ഹാപ്പിപ്പിസ് സെന്ററുകൾ 24 മണിക്കൂറും പതിവുപോലെ പ്രവർത്തിക്കും.
