പ്രതിദിന കേസുകൾ കുത്തനെ കുറയുന്നത് തുടരുന്നതിനാൽ സ്വദേശികളുടെ യാത്രയുമായി ബന്ധപ്പെട്ട കൂടുതൽ കോവിഡ് സുരക്ഷാ നിയമങ്ങളിൽ യുഎഇ ഇളവ് വരുത്തി.
ഏപ്രിൽ 16 മുതൽ പ്രതിരോധ കുത്തിവയ്പ് എടുക്കാത്ത എമിറാത്തികൾക്കുള്ള യാത്രാ വിലക്ക് നീക്കിയതായി സർക്കാർ വക്താവ് അറിയിച്ചു. വാക്സിനേഷൻ എടുക്കാത്ത പൗരന്മാർക്ക് യാത്ര ചെയ്യാം, അവർ വിമാനം കയറുന്നതിന് മുൻപ് 48 മണിക്കൂറിനുള്ളിൽ പിസിആർ ടെസ്റ്റ് നടത്തിയാൽ മതിയാകും. ഗ്രീൻ സ്റ്റാറ്റസ് ലഭിക്കുന്നതിന് അവർ അൽ ഹോസ്ൻ ആപ്പിൽ യാത്രാ ഫോമുകളും പൂരിപ്പിക്കണം.മുമ്പ് സ്വദേശികൾക്ക് വിദേശയാത്രക്കായി വാക്സിനേഷനും ബൂസ്റ്റർ ഡോസും നിർബന്ധമായിരുന്നു.
പുതുക്കിയ പ്രോട്ടോക്കോളുകൾ അനുസരിച്ച്, 16 വയസ്സിന് താഴെയുള്ള കുട്ടികൾക്ക് കോവിഡ് വാക്സിനേഷൻ എടുത്തില്ലെങ്കിലും രാജ്യത്തേക്ക് പോകുന്നതിന് പിസിആർ ടെസ്റ്റ് നടത്തേണ്ടതില്ല. മുമ്പ്, 12 വയസ്സിന് താഴെയുള്ള കുട്ടികൾക്ക് മാത്രമായിരുന്നു ഈ ഇളവ് ബാധകമായിരുന്നത്.