യുദ്ധങ്ങളോ പ്രതിസന്ധികളോ അഭിമുഖീകരിക്കുന്ന രാജ്യങ്ങളിലെ പൗരന്മാർക്ക് അനുവദിച്ചിട്ടുള്ള സ്കീമിന് കീഴിൽ സ്പോൺസറുടെ ആവശ്യമില്ലാതെ ഉക്രേനിയൻ പൗരന്മാർക്ക് ഒരു വർഷത്തേക്ക് ഇനി യുഎഇയിൽ താമസിക്കാം.
ഏപ്രിൽ 12 മുതൽ തശീൽ കേന്ദ്രങ്ങൾ വഴി പൗരന്മാർക്ക് ഒരു വർഷത്തെ റെസിഡൻസി പെർമിറ്റ് തിരഞ്ഞെടുക്കാമെന്ന് യുഎഇയിലെ ഉക്രെയ്ൻ എംബസി ഒരു പ്രസ്താവനയിൽ സ്ഥിരീകരിച്ചു.
“30 + 10 ദിവസത്തിൽ കൂടുതൽ യുഎഇയിൽ താമസിക്കുന്ന ഉക്രേനിയക്കാരെ അധികമായി താമസിച്ചതിന് പിഴ അടക്കുന്നതിൽ നിന്ന് ഒഴിവാക്കിയിട്ടുണ്ട്. പ്രതിസന്ധിയിലായ രാജ്യങ്ങളിലെയും യുദ്ധമേഖലകളിലെയും പൗരന്മാർക്ക് ഒരു വർഷത്തേക്ക് നീട്ടാവുന്ന പെർമിറ്റ് നൽകുന്നതിന് 2018-ൽ യുഎഇയിൽ പുറപ്പെടുവിച്ച പ്രമേയത്തെ തുടർന്നാണ് ഈ തീരുമാനം.
യുഎഇയിൽ എത്തുമ്പോൾ ഉക്രേനിയൻ പൗരന്മാർക്ക് വിസ രഹിത പ്രവേശനം തുടരുമെന്ന് യുഎഇയുടെ വിദേശകാര്യ, അന്താരാഷ്ട്ര സഹകരണ മന്ത്രാലയം (MoFAIC) കഴിഞ്ഞ മാസം അറിയിച്ചിരുന്നു.