യു എ ഇയിൽ ലൈസൻസില്ലാത്ത മെഡിക്കൽ ഉൽപ്പന്നങ്ങൾ ഓൺലൈനിലൂടെ പ്രചരിപ്പിച്ചാൽ തടവും പിഴയും നേരിടേണ്ടിവരുമെന്ന് യു എ ഇ പബ്ലിക് പ്രോസിക്യൂഷൻ മുന്നറിയിപ്പ് നൽകി.
ഇൻറർനെറ്റിൽ ലൈസൻസില്ലാതെ മെഡിക്കൽ ഉൽപ്പന്നങ്ങൾ പ്രമോട്ട് ചെയ്യുന്നതിനുള്ള പിഴകൾ യുഎഇ പബ്ലിക് പ്രോസിക്യൂഷൻ (PP) വിശദീകരിക്കുന്നത് ഇപ്രകാരമാണ്.
കിംവദന്തികൾ, ഇ-ക്രൈം എന്നിവയെ ചെറുക്കുന്നതിനുള്ള 2021-ലെ ഫെഡറൽ ഡിക്രി-നിയമ നമ്പർ 34-ന്റെ ആർട്ടിക്കിൾ 49 അനുസരിച്ച്, ഒരു വെബ്‌സൈറ്റ് സൃഷ്‌ടിക്കുന്നതോ നിയന്ത്രിക്കുന്നതോ മേൽനോട്ടം വഹിക്കുന്നതോ ഇൻറർനെറ്റിൽ വിവരങ്ങൾ പ്രസിദ്ധീകരിക്കുന്നതോ അല്ലെങ്കിൽ ഏതെങ്കിലും വിവര സാങ്കേതിക വിദ്യയിലൂടെയോ യുഎഇയിൽ ലൈസൻസില്ലാത്തതോ ലൈസൻസുള്ള മെഡിക്കൽ ഉൽപ്പന്നങ്ങളുടെ അനുകരണമോ ആയ മെഡിക്കൽ ഉൽപ്പന്നങ്ങളുടെ പ്രൊമോഷനോ വിൽപ്പനയോ, തടവിനും പിഴയ്ക്കും അല്ലെങ്കിൽ ഈ രണ്ടിൽ ഏതെങ്കിലും ഒന്ന് നേരിടേണ്ടിവരും.
യുഎഇയിലെ ഏറ്റവും പുതിയ നിയമനിർമ്മാണത്തെക്കുറിച്ചുള്ള അവബോധം വർദ്ധിപ്പിക്കുന്നതിനുള്ള പബ്ലിക് പ്രോസിക്യൂഷന്റെ ശ്രമങ്ങളുടെ ഭാഗമാണ് ഈ മുന്നറിയിപ്പ്.
