സൗദി അറേബ്യയിൽ കഴിഞ്ഞ വെള്ളിയാഴ്ച ബസും ട്രക്കും കൂട്ടിയിടിച്ചുണ്ടായ വാഹനാപകടത്തിൽ 8 പേർ മരിക്കുകയും 45 യാത്രക്കാർക്ക് പരിക്കേൽക്കുകയും ചെയ്തു.
മദീനയിലെ അൽ ഹിജ്റ ഹൈവേയിൽ തീർഥാടകർ സഞ്ചരിച്ചിരുന്ന ബസാണ് അപകടത്തിൽ പെട്ടതെന്ന് എമിറേറ്റ്സ് വിഷൻ റിപ്പോർട്ട് ചെയ്തു. അപകടത്തിൽ പരിക്കേറ്റ നിരവധി യാത്രക്കാരെ ആശുപത്രികളിലേക്ക് മാറ്റുന്നതിന് മുമ്പ് അപകടസ്ഥലത്ത് തന്നെ ചികിത്സിച്ചിരുന്നു. മദീന നഗരത്തിൽ നിന്ന് 90 കിലോമീറ്റർ അകലെയുള്ള അൽ യുതാമ നഗരത്തിന് തൊട്ടുപിന്നാലെയാണ് അപകടമുണ്ടായത്.
മക്ക, മദീന പ്രവിശ്യകളെ ബന്ധിപ്പിക്കുന്ന പ്രധാന പാതകളിലൊന്നാണ് ഈ തിരക്കേറിയ റൂട്ട്. മദീനയിൽ നിന്നും മറ്റ് സഹായ സേവനങ്ങളിൽ നിന്നും 20-ലധികം ആംബുലൻസുകളും അഡ്വാൻസ്ഡ് കെയർ യൂണിറ്റുകളും സംഭവസ്ഥലത്തേക്ക് അയച്ചിരുന്നതായി സൗദി ദിനപത്രമായ അറബ് ന്യൂസ് റിപ്പോർട്ട് ചെയ്തു.
