ഷാർജയിൽ വേഗപരിധി ലംഘിച്ച് 765,560 നിയമലംഘനങ്ങൾ റഡാറിൽ രേഖപെടുത്തിയതായി 2021-ലെ ഷാർജ പോലീസ് പുതുതായി പുറത്തുവിട്ട കണക്കുകൾ വെളിപ്പെടുത്തുന്നു.
കനത്ത ട്രാഫിക്കിലൂടെ അപകടകരമായി പായുന്ന ആയിരക്കണക്കിന് വാഹനമോടിക്കുന്നവർക്ക് പൊതു സുരക്ഷയെക്കുറിച്ച് കാര്യമായ പരിഗണനയോ ഇല്ലെന്നോ ആണ് ഇതിലൂടെ വ്യക്‌തമാകുന്നത്.
വേഗപരിധി ലംഘിച്ച് വാഹനമോടിക്കുന്നവരുടെ 765,560 അശ്രദ്ധമായ ഡ്രൈവിംഗ് നിയമലംഘനങ്ങൾ അവരുടെ റഡാർ ഉപകരണങ്ങളിൽ രേഖപ്പെടുത്തിയിട്ടുണ്ടെന്ന് പോലീസ് പറഞ്ഞു. ഇവരിൽ പലരും മണിക്കൂറിൽ 180 കിലോമീറ്ററിലധികം വേഗത്തിലായിരുന്നു.
ഏറ്റവും ഉയർന്ന വേഗത രേഖപ്പെടുത്തിയത് ഷാർജ-ഖോർ ഫക്കൻ റോഡിലാണ്, ഇവിടെ ഒരു വാഹനം മണിക്കൂറിൽ 279 കി.മീ വേഗതയിൽ പോയി. ഇത്രയും ഉയർന്ന നിരക്കിൽ അമിത വേഗതയിൽ പോയാൽ സ്വയമേവ ഡ്രൈവിംഗ് ലൈസൻസിൽ 23 ബ്ലാക്ക് പോയിന്റുകൾ, കൂടാതെ 3,000 ദിർഹം പിഴയും 60 ദിവസത്തെ വാഹനം കണ്ടുകെട്ടലും നേരിടേണ്ടി വരും.
2021ൽ ഷാർജയിൽ മൊത്തം 1,174,260 ട്രാഫിക് പിഴകൾ രേഖപ്പെടുത്തിയതായി ട്രാഫിക് ആൻഡ് പട്രോൾ ഡിപ്പാർട്ട്‌മെന്റിലെ ട്രാഫിക് ബോധവൽക്കരണ ബ്രാഞ്ച് ഡയറക്ടർ ക്യാപ്റ്റൻ സൗദ് അൽ ഷൈബ പറഞ്ഞു. അമിതവേഗത, സീറ്റ് ബെൽറ്റ് ഉപയോഗിക്കാതിരിക്കൽ, മൊബൈൽ ഫോൺ ഉപയോഗിച്ചുള്ള ലംഘനങ്ങൾ എന്നിവ ഇതിൽ ഉൾപ്പെടുന്നു.
അമിത വേഗതയുടെ അപകടങ്ങളെക്കുറിച്ച് പോലീസ് മുന്നറിയിപ്പ് നൽകിയിട്ടും ചില ഡ്രൈവർമാർ നിയമലംഘനം ആവർത്തിക്കുന്നതായും ജീവൻ നഷ്ടപ്പെട്ടപെടുത്തുന്നതായും ക്യാപ്റ്റൻ അൽ ഷൈബ പറഞ്ഞു.
