ഇന്നലെ 2022 മെയ് 16 മുതൽ ദുബായ് ഒഴികെയുള്ള എല്ലാ വിഭാഗം താമസക്കാർക്കും പ്രത്യേക എമിറേറ്റ്സ് ഐഡി ഇഷ്യു/പുതുക്കൽ സേവനങ്ങൾ താൽക്കാലികമായി നിർത്തിവച്ചതായി ഫെഡറൽ അതോറിറ്റി ഓഫ് ഐഡന്റിറ്റി, സിറ്റിസൺഷിപ്പ്, കസ്റ്റംസ് & പോർട്ട് സെക്യൂരിറ്റി (ICP) അറിയിച്ചു.
റെസിഡൻസിയും ഐഡിയും നൽകുന്നതിനോ പുതുക്കുന്നതിനോ ഉള്ള അപേക്ഷകളിലോ അഭ്യർത്ഥനകളിലോ ഏകീകൃത ഫോം സേവനങ്ങൾ തന്നെ ഉപയോഗിക്കുമെന്ന് അതോറിറ്റി അറിയിച്ചു.
നിലവിൽ പ്രത്യേക ഐഡി അഭ്യർത്ഥന പ്രോസസ്സ് ചെയ്യുന്നവർക്ക് മാത്രമേ പ്രത്യേക റെസിഡൻസി സേവനങ്ങൾ (ഇഷ്യു/പുതുക്കൽ) ലഭ്യമാകൂ എന്ന് അധികൃതർ വ്യക്തമാക്കി.
2022 ഏപ്രിൽ 11 മുതൽ യുഎഇയിൽ താമസിക്കുന്ന വിദേശികൾക്ക് താമസ സ്റ്റിക്കർ നൽകുന്നത് താൽക്കാലികമായി നിർത്തിവച്ചതായി അതോറിറ്റി നേരത്തെ പ്രഖ്യാപിച്ചിരുന്നു. യുഎഇയിലെ താമക്കാർക്ക് നൽകുന്ന എമിറേറ്റ്സ് ഐഡി കാർഡ് ഇപ്പോൾ അവരുടെ താമസം തെളിയിക്കുന്നതിനുള്ള ഒരു ബദൽ രേഖയാണ്.