fbpx
Info UAE News അബൂദാബി കേരളം

അബുദാബിയിലുണ്ടായ ഗ്യാസ് സ്‌ഫോടനത്തിൽ ഒരു മലയാളി കൂടി മരിച്ചത് പ്രവാസികളിൽ ഷോക്കായി മാറുന്നു : മരണപ്പെട്ട 3 പേരിൽ 2 മലയാളികളും ഒരു പാക്കിസ്ഥാനിയും

Another Keralite killed in Abu Dhabi gas blast shocks expatriates- 2 Keralites, 3 Pakistanis

കഴിഞ്ഞ ദിവസം അബുദാബി ഖാലിദിയ ഏരിയയിലെ ഫുഡ് കെയർ റെസ്റ്റോറന്റിലുണ്ടായ ഗ്യാസ് പൊട്ടിത്തെറിച്ചുണ്ടായ സ്‌ഫോടനത്തിൽ ഗുരുതര പരിക്കേറ്റ് ചികിത്സയിലായിരുന്ന ഒരു മലയാളി കൂടി മരിച്ചു. ഇതോടെ സ്ഫോടനത്തിൽ മരിച്ചവരുടെ എണ്ണം മൂന്നായി.

മരണം സംബന്ധിച്ച് നാട്ടിലെ ബന്ധുക്കൾക്ക് വിവരം ലഭിച്ചിട്ടുണ്ട്. കാസർകോട് കാഞ്ഞങ്ങാട് കൊളവയൽ കാറ്റാടിയിലെ ദാമോദരന്റെ മകൻ ധനേഷ് (32) ആണ് മരിച്ചത്. ആലപ്പുഴ വെണ്‍മണി ചാങ്ങമല സ്വദേശി ശ്രീകുമാർ രാമകൃഷ്ണൻ നായരും പാക്കിസ്ഥാൻ സ്വദേശിയുമാണ് നേരത്തെ മരിച്ച രണ്ടുപേരെന്ന് വിവരം കിട്ടിയിരുന്നു.

സംഭവത്തിൽ ആകെ 120 പേർക്ക് പരിക്കേറ്റിട്ടുണ്ട്. അതിൽ 106 പേർ ഇന്ത്യക്കാരാണ്. പരിക്കേറ്റവർ എമിറേറ്റിലെ വിവിധ ആശുപത്രികളിൽ ചികിത്സയിൽ തുടരുകയാണ്. മരണപ്പെട്ടവരുടെ മൃതദേഹങ്ങൾ നാട്ടിലേക്ക് കൊണ്ടുപോകാനുള്ള നടപടികൾ പുരോഗമിക്കുകയാണ്.

error: Content is protected !!