മറിമായത്തിലൂടെ സുപരിചിതനായ താരം ഫോർട്ട് കൊച്ചി ചുള്ളിക്കൽ സ്വദേശി വി.പി ഖാലിദ് അന്തരിച്ചു. വൈക്കത്ത് ടൊവിനോയുടെ ചിത്രത്തിന്റെ ലൊക്കേഷനിലെ ശുചിമുറിയിൽ വീണനിലയിൽ കണ്ടെത്തുകയായിരുന്നു. ക്യാമറാമാൻ ഷൈജു ഖാലിദ് , ജിംഷി ഖാലിദ് സംവിധായകൻ ഖാലിദ് റഹ്‌മാൻ എന്നിവരുടെ പിതാവാണ്.
മറിമായം എന്ന ടെലിവിഷൻ പരമ്പരയിൽ ഖാലിദ് ചെയ്ത സുമേഷ് എന്ന കഥാപാത്രം ഏറെ ശ്രദ്ധിക്കപ്പെട്ടിരുന്നു. ആലപ്പി തിയറ്റേഴ്സ് അംഗമായിരുന്ന ഖാലിദ് അറിയപ്പെടുന്ന ഗായകനുമായിരുന്നു.
