അബുദാബിയിൽ ഇന്ന് ജൂൺ 29 ന് അൽ ദഫ്ര മേഖലയിലെ ബറാക്ക ആണവോർജ്ജ പ്ലാന്റിന് ചുറ്റും സൈറൺ ടെസ്റ്റ് നടത്തും. അബുദാബി പോലീസിന്റെ ഏകോപനത്തിലാണ് പരിശോധന.
“നിങ്ങൾ ചുറ്റുമുള്ള പ്രദേശങ്ങളിൽ താമസിക്കുന്നെങ്കിൽ ഇന്ന് സൈറൺ കേൾക്കാം. ഇതൊരു സാധാരണ വാർഷിക പരിശോധനയാണ്, നടപടിയൊന്നും ആവശ്യമില്ല.” പ്ലാന്റിന്റെ ഓപ്പറേറ്ററായ നവാഹ് എനർജി കമ്പനി ട്വിറ്ററിൽ പറഞ്ഞു:
രാവിലെ 10 മണിക്ക് സൈറൺ മുഴക്കും, “ഉച്ചത്തിലുള്ള ശബ്‌ദം” മൂന്ന് മിനിറ്റ് നീണ്ടുനിൽക്കുമെന്ന് പ്രതീക്ഷിക്കുന്നു, അതിന് മുമ്പായി ഒരു ഓഡിയോ അറിയിപ്പ് ഉണ്ടാകും, “ഇതൊരു പരീക്ഷണമാണ്, ഇതൊരു പരീക്ഷണമാണ്. എന്ന അറിയിപ്പായിരിക്കും അത്. സൈറൺ പ്രകടനം പരീക്ഷിക്കുക എന്നതാണ് ടെസ്റ്റിന്റെ ലക്ഷ്യം.
