അബുദാബിയിൽ നാളെ ഓഗസ്റ്റ് 14 ഞായറാഴ്ച മുതൽ ഓഗസ്റ്റ് 18 വ്യാഴാഴ്ച വരെ നേരിയതോ കനത്തതോ ആയ മഴയും താപനിലയിൽ ഗണ്യമായ കുറവും പ്രതീക്ഷിക്കാമെന്ന് കാലാവസ്ഥാ കേന്ദ്രം മുന്നറിയിപ്പ് ണ് നൽകി.
ഈ ദിവസങ്ങളിൽ മഴ പെയ്യുമ്പോൾ, ജാഗ്രത പാലിക്കുക, മഴ തോടുകൾ, താഴ്വരകൾ, മഴവെള്ളക്കുളങ്ങൾ എന്നിവയിൽ നിന്ന് അകന്നു നിൽക്കുക, കടൽ പ്രക്ഷുബ്ധവും വേലിയേറ്റവും ഉണ്ടാകുമ്പോൾ, കടൽത്തീരത്ത് പോകുന്നത് ഒഴിവാക്കുക എന്നീ നിർദ്ദേശങ്ങൾ പാലിക്കണമെന്നും ജാഗ്രതയോടെ വാഹനമോടിക്കാനും സുരക്ഷാ മാർഗനിർദേശങ്ങളും വേഗപരിധിയും പാലിക്കണമെന്നും അബുദാബി മീഡിയ ഓഫീസ് പൊതുജനങ്ങളോട് നിർദേശിച്ചു.
വരാനിരിക്കുന്ന കാലാവസ്ഥയെ നേരിടാനുള്ള സന്നദ്ധത ചർച്ച ചെയ്യാൻ വിവിധ വകുപ്പുകളുമായി അടിയന്തര യോഗം സംഘടിപ്പിച്ചതായി നാഷണൽ എമർജൻസി ക്രൈസിസ് ആൻഡ് ഡിസാസ്റ്റേഴ്സ് മാനേജ്മെന്റ് അതോറിറ്റി അറിയിച്ചിട്ടുണ്ട്.