നാളെ ഞായറാഴ്ച ഇന്ത്യയും പാക്കിസ്ഥാനും തമ്മിലുള്ള ഏഷ്യാ കപ്പ് മത്സരവുമായി ബന്ധപ്പെട്ട് ദുബായിലെ റോഡ്‌സ് ആൻഡ് ട്രാൻസ്‌പോർട്ട് അതോറിറ്റി ട്രാഫിക് അലേർട്ട് പുറപ്പെടുവിച്ചു.
ഞായറാഴ്ച ഉച്ചകഴിഞ്ഞ് 3 മുതൽ രാത്രി 11 വരെ ഷെയ്ഖ് മുഹമ്മദ് ബിൻ സായിദ് റോഡ് ഇന്റർസെക്ഷന് സമീപമുള്ള ഹെസ്സ സ്ട്രീറ്റിൽ പ്രതീക്ഷിക്കുന്ന കാലതാമസത്തെക്കുറിച്ച് ട്വീറ്റുകളിലൂടെ അതോറിറ്റി വാഹനമോടിക്കുന്നവർക്ക് മുന്നറിയിപ്പ് നൽകി. ദുബായ് സ്‌പോർട്‌സ് സിറ്റിയിൽ നടക്കുന്ന ഏഷ്യാ കപ്പ് ക്രിക്കറ്റ് ടൂർണമെന്റുമായി ബന്ധപ്പെട്ടാണ് കാലതാമസമെന്നും ട്വീറ്റിൽ പറയുന്നു.
ഗതാഗതക്കുരുക്ക് ഒഴിവാക്കാൻ വാഹനമോടിക്കുന്നവർ ഇതര റൂട്ടുകൾ ഉപയോഗിക്കണമെന്നും ആർടിഎ നിർദേശിച്ചു. “പൊതുജനങ്ങൾ അവരുടെ ലക്ഷ്യസ്ഥാനം/മത്സര ലൊക്കേഷനിൽ എത്താൻ ഉമ്മു സുഖീം സ്ട്രീറ്റ് ഉപയോഗിക്കാൻ നിർദ്ദേശിച്ചിട്ടുണ്ട്, അതേസമയം ദുബായ് സ്‌പോർട്‌സ് സിറ്റിയിലെ താമസക്കാർക്ക് അൽ ഫേ റോഡ് ഒരു ബദൽ റൂട്ടായി ഉപയോഗിക്കാം.
Expected delay on Hessa Street near Sheikh Mohammed bin Zayed Road intersection on Sunday 4 September, from 3 PM to 11 PM, coinciding with the events of the Asia Cup cricket tournament in #Dubai Sports City.
— RTA (@rta_dubai) September 3, 2022
