യുഎഇയിൽ ഓണം ആഘോഷിക്കാൻ 12 രാജ്യങ്ങളിൽ നിന്നുള്ള 400 ആരോഗ്യ പ്രവർത്തകർ 250 ചതുരശ്ര മീറ്റർ വിസ്തൃതിയിൽ ഓണപ്പൂക്കളമൊരുക്കി.
അബുദാബിയിലെ ബുർജീൽ മെഡിക്കൽ സിറ്റിയിലെ ആരോഗ്യ പ്രവർത്തകരാണ് 250 ചതുരശ്ര മീറ്റർ വിസ്തീർണമുള്ള ഓണപ്പൂക്കളമൊരുക്കിയത്. അബുദാബിയുടെ ആഗോള ഹബ്ബിലേക്കുള്ള വളർച്ചയെയാണ് ചിത്രം വരച്ചുകാട്ടുന്നത്.
ഖസർ അൽ ഹൊസന്റെ പുരാതന കൊട്ടാരം, വ്യതിരിക്തമായ അൽദാർ ആസ്ഥാനം, ബഹുമാനപ്പെട്ട ഷെയ്ഖ് സായിദ് ഗ്രാൻഡ് മോസ്ക് എന്നിവയുൾപ്പെടെ പ്രധാനപ്പെട്ട അബുദാബി ലാൻഡ്മാർക്കുകൾ എല്ലാം പൂക്കളത്തിൽ കാണാം. 12 രാജ്യങ്ങളിൽ നിന്നുള്ള 400-ലധികം ആരോഗ്യ പ്രവർത്തകർ 700 കിലോ പൂക്കൾ ഉപയോഗിച്ച് ഈ പുഷ്പ വിസ്മയം പൂർത്തിയാക്കാൻ ഏകദേശം 16 മണിക്കൂർ എടുത്തു.
അൽ ബഹാർ ടവർ, ഇത്തിഹാദ് ടവർ, ക്യാപിറ്റൽ ഗേറ്റ് ബിൽഡിംഗ്, എൻബിഎഡി ഹെഡ്ക്വാർട്ടേഴ്സ് തുടങ്ങിയ പ്രമുഖ കെട്ടിടങ്ങളും ഈ മഹത്തായ പൂക്കളത്തിൽ ഇടംപിടിച്ചിട്ടുണ്ട്. 44 ആരോഗ്യ പ്രവർത്തകർ കൂറ്റൻ പൂക്കളത്തിന് ചുറ്റും പരമ്പരാഗത നൃത്തമായ തിരുവാതിരയും അവതരിപ്പിച്ചു.
കടപ്പാട് : ഖലീജ് ടൈംസ്