ദുബായിലെ ഏറ്റവും കൂടുതൽ ഡിമാൻഡുള്ള സ്ഥലങ്ങളിലേക്ക് ടാക്സികൾ സ്വയമേവ ഡയറക്റ്റ് ചെയ്യുന്ന ആർട്ടിഫിഷ്യൽ ഇന്റലിജൻസിന്റെ (AI) സഹായത്തോടെയുള്ള ‘സ്മാർട്ട് ഡയറക്ഷൻ’ സിസ്റ്റം പദ്ധതി ആരംഭിച്ചതായി ചെയ്യുമെന്ന് റോഡ്സ് ആൻഡ് ട്രാൻസ്പോർട്ട് അതോറിറ്റിഅറിയിച്ചു.
ഒരു പ്രവചന സംവിധാനം സൂചിപ്പിക്കുന്നത് പോലെ ഏറ്റവും ഡിമാൻഡ് സ്പോട്ടുകൾ നിർണ്ണയിക്കാൻ ഇന്ന് ഞായറാഴ്ച പ്രഖ്യാപിച്ച പുതിയ സംവിധാനത്തിനാകും. ഈ പദ്ധതി ഇന്ധന ഉപഭോഗം കുറയ്ക്കുകയും ഒരു വാഹനത്തിന്റെ യാത്രകളുടെ എണ്ണം വർദ്ധിപ്പിക്കുകയും ചെയ്യും.
ദുബായ് ടാക്സി കോർപ്പറേഷനു അംഗീകാരം നൽകിയിട്ടുള്ള മെച്ചപ്പെടുത്തൽ പദ്ധതികളുടെയും സേവനങ്ങളുടെയും ഒരു പാക്കേജാണ് ഈ സംവിധാനം. ഈ സംരംഭങ്ങളിൽ AI സാങ്കേതികവിദ്യകളുടെ ഉപയോഗം വിപുലീകരിക്കൽ, ടാക്സി സേവനങ്ങളുടെ പ്രവർത്തന കാര്യക്ഷമതയുടെ നിലവാരം ഉയർത്തുന്നതിനുള്ള പ്രക്രിയകൾ ഓട്ടോമേറ്റ് ചെയ്യൽ, ട്രാഫിക് സുരക്ഷ വർദ്ധിപ്പിക്കൽ എന്നിവ ഉൾപ്പെടുന്നു.