ഈ വർഷത്തെ ദുബായ് ഫിറ്റ്നസ് ചലഞ്ചിന്റെ ഭാഗമായുള്ള ”ദുബായ് റൺ” നാളെ നവംബർ 20 ന് നടക്കുമ്പോൾ ദുബായ് മെട്രോ പുലർച്ചെ 3:30 മുതൽ രാത്രി 12 മണി വരെ പ്രവർത്തിക്കുമെന്ന് ദുബായ് റോഡ്‌സ് ആൻഡ് ട്രാൻസ്‌പോർട്ട് അതോറിറ്റി അറിയിച്ചു.
ദുബായ് റൈഡ് നടന്ന ദിവസവും ദുബായ് മെട്രോ ഈ സമയക്രമമായിരുന്നു. ദുബായ് റൺ നടക്കുന്ന ഷെയ്ഖ് സായിദ് റോഡ് രാവിലെ 10 മണി വരെ അടച്ചുപൂട്ടുമെന്നതിനാൽ യാത്രക്കാരുടെ ഗതാഗതം സുഗമമാക്കുന്നതിനാണ് ദുബായ് മെട്രോ പുലർച്ചെ 3:30 മുതൽ പ്രവർത്തിക്കുന്നത്.
