യുഎഇയിൽ രജിസ്റ്റർ ചെയ്തിട്ടുള്ള എല്ലാ കമ്പനികളും ഇപ്പോൾ ടെലികമ്മ്യൂണിക്കേഷൻസ് ആൻഡ് ഡിജിറ്റൽ ഗവൺമെന്റ് റെഗുലേറ്ററി അതോറിറ്റി (TDRA) നൽകുന്ന കോളർ ഐഡി മൊബൈൽ സേവനത്തിന്റെ ഭാഗമാകും.
യുഎഇയിൽ രജിസ്റ്റർ ചെയ്തിട്ടുള്ള എല്ലാ കമ്പനികളും സ്ഥാപനങ്ങളും യാന്ത്രികമായി കാഷിഫ് (Kashif) സംരംഭത്തിന്റെ ഭാഗമായി മാറിയതായി പ്രഖ്യാപിച്ചു. ഒരാൾ വിളിക്കുമ്പോൾ ഫോണിൽ ആ നമ്പർ സേവ് ചെയ്തിട്ടില്ലെങ്കിലും അതാരാണെന്ന് ഫോൺ ഡിസ്‌പ്ലേയിൽ കാണിക്കുന്ന സംവിധാനമാണ് കോളർ ഐഡി
ഇങ്ങനെ ഫോൺ ഡിസ്‌പ്ലേയിൽ കാണിക്കുമ്പോൾ ആ ഫോൺ അറ്റൻഡ് ചെയ്യണോ വേണ്ടയോ എന്ന് തീരുമാനിക്കുകയും ചെയ്യാം.
സേവന ദാതാക്കളുമായി സഹകരിച്ച് 2021 പകുതി മുതൽ TDRA ക്രമേണ ഈ സംരംഭം ആരംഭിച്ചിരുന്നു. അനാവശ്യ കോളുകൾ കുറയ്ക്കുന്നതിലൂടെ ഭാവിയിൽ ഇത് സ്വാധീനം ചെലുത്തുമെന്ന് പ്രതീക്ഷിക്കുന്നു. ഇന്ന്, മൊബൈൽ ഫോണിൽ നിന്നോ നിശ്ചിത നമ്പറിൽ നിന്നോ വിളിക്കുന്ന പാർട്ടിയുടെ പേര് ഉപഭോക്താവിന് തിരിച്ചറിയാൻ കഴിയും.
