അജ്മാനിൽ മാസാർ കാർഡുകൾ കൈവശമുള്ള വിദ്യാർത്ഥികൾക്ക് അജ്മാൻ ട്രാൻസ്‌പോർട്ട് അതോറിറ്റി (ATA) ബസ് ചാർജിൽ 30% ഡിസ്‌കൗണ്ട് പ്രഖ്യാപിച്ചു. പൊതു ബസുകൾ ഉപയോഗിക്കാൻ വിദ്യാർത്ഥികളെ പ്രോത്സാഹിപ്പിക്കാനാണ് ഈ നീക്കം ലക്ഷ്യമിടുന്നതെന്ന് അതോറിറ്റി പങ്കിട്ട ഒരു സോഷ്യൽ മീഡിയ പോസ്റ്റ് വ്യക്‌തമാക്കുന്നു.
പൊതുഗതാഗത സേവനങ്ങളുടെ വർദ്ധിച്ചുവരുന്ന ആവശ്യം നിറവേറ്റുന്നതിനായി അജ്മാനിലെ ബസ് ഫ്ലീറ്റ് അടുത്തിടെ അപ്‌ഡേറ്റ് ചെയ്തിട്ടുണ്ട്. പൊതുജനങ്ങൾക്ക് സേവനം നൽകുന്നതിനായി അതോറിറ്റി 12 ആളുകളും 14 ആളുകളും ഉൾക്കൊള്ളാനാകുന്ന രണ്ട് തരം ബസുകൾ കൂടി ചേർത്തിട്ടുണ്ട്.
മാസ്സർ കാർഡിന് അപേക്ഷിക്കാനായി അതോറിറ്റിയുടെ www.ta.gov.ae എന്ന ഔദ്യോഗിക വെബ്‌സൈറ്റ് സന്ദർശിച്ചാൽ മതിയാകും. അല്ലെങ്കിൽ ഷെയ്ഖ് അബ്ദുല്ല ബിൻ റാഷിദ് അൽ നുഐമി സ്ട്രീറ്റിലെ അജ്മാൻ സെൻട്രൽ ബസ് സ്റ്റേഷൻ സന്ദർശിക്കാം. ഒരു മസാർ കാർഡിന് 25 ദിർഹം കാർഡിന് 20 ദിർഹം ബാലൻസ് ലഭിക്കും.
