ഷാർജയിൽ അൽ മദാം നഗരത്തിലെ മരുഭൂമിയിൽ സഞ്ചരിക്കുമ്പോൾ ക്വാഡ് ബൈക്ക് മറിഞ്ഞതിനെ തുടർന്ന് ഷാർജ പോലീസിന്റെ സഹകരണത്തോടെ നാഷണൽ സെർച്ച് ആൻഡ് റെസ്‌ക്യൂ സെന്റർ 42 കാരനെ രക്ഷപ്പെടുത്തി.
ഷാർജയിലെ അൽ മദാം ഡെസേർട്ട് ഏരിയയിൽ ഒരാൾക്ക് തന്റെ ക്വാഡ് ബൈക്ക് അപകടത്തിൽപ്പെട്ടതായും നട്ടെല്ലിന് പരിക്കേറ്റതായും ഷാർജ പോലീസ് ഓപ്പറേഷനിൽ റിപ്പോർട്ട് ലഭിച്ചതായി വൃത്തങ്ങൾ അറിയിച്ചു. പരിക്കേറ്റയാളെ എയർലിഫ്റ്റ് ചെയ്ത് അൽ ദൈദ് ആശുപത്രിയിൽ പ്രവേശിപ്പിച്ചു. നാഷണൽ സെർച്ച് ആൻഡ് റെസ്‌ക്യൂ സെന്ററിന്റെ ഓക്സിലറി ഓപ്പറേഷൻ സിസ്റ്റമാണ് സൈറ്റ് പരിശോധിച്ചതെന്നും പോലീസ് കൂട്ടിച്ചേർത്തു.
