ഷാര്‍ജ : വൻ ഭൂകമ്പമുണ്ടായ തുര്‍ക്കി, സിറിയ എന്നിവിടങ്ങളിലേക്ക് കാരുണ്യത്തിന്റെ ഒരു കൈത്താങ്ങുമായി ഷാര്‍ജ ഐഎംസിസി രംഗത്ത്.
ഷാർജയിലെയും അജ്മനിലെയും വിവിധ സുമനസ്സുകളുടെയും സ്ഥാപനങ്ങളുടേയും സഹകരണത്തോടെ ശേഖരിച്ച ആവശ്യവസ്തുക്കൾ ഷാർജ ഐ എംസിസി പ്രസിഡണ്ട് ഡോ:താഹിലി പൊറപ്പാട് , ജനറൽ സെക്രട്ടറി മനാഫ് കുന്നിൽ , ഐ എംസിസി നാഷണൽ ട്രഷറർ അനീസ്റഹ്മാൻ നീർവ്വേലി , കെ എം കുഞ്ഞി , കാസറഗോഡ് ജില്ലാ പ്രസിഡണ്ട് ഹനീഫ് തുരുത്തി ,ഖാൻ പാറയിൽ ,ഷൗക്കത്ത് പൂച്ചക്കാട് , യൂനുസ് അതിഞ്ഞാൽ എന്നിവർ ചേർന്ന് ഷാർജ റെഡ് ക്രസൻറ് അധികൃതരെ ഏൽപ്പിച്ചു.
ജീവകാരുണ്യ മേഖലയില്‍ കഴിഞ്ഞ കോവിഡ് കാലത്ത് രാപ്പകല്‍ ഭേദമന്യേ ജനങ്ങളോടൊപ്പം ചേര്‍ന്നു നിന്ന ഐഎംസിസി ഷാര്‍ജ കമ്മിറ്റിയുടെ പ്രവർത്തനങ്ങൾ ഇനിയും മാതൃകപരമായി തുടരുമെന്നും നേതാക്കൾ അറിയിച്ചു.
