യൂറോപ്യൻ യൂണിയൻ പെർമിറ്റ് നടപടിക്രമങ്ങൾ ഡിജിറ്റലൈസ് ചെയ്യാനൊരുങ്ങുന്നതിനാൽ ഷെങ്കൻ രാജ്യങ്ങളിലേക്ക് യാത്ര ചെയ്യാൻ ആഗ്രഹിക്കുന്ന യുഎഇ നിവാസികൾക്ക് അവരുടെ വിസ പ്രോസസ്സ് ചെയ്യുന്നതിന് അപ്പോയിന്റ്‌മെന്റുകൾക്കായി കാത്തിരിക്കുകയോ ക്യൂവിൽ നിൽക്കുകയോ പാസ്‌പോർട്ട് സമർപ്പിക്കുകയോ ചെയ്യേണ്ടതില്ല.
വിസ നടപടിക്രമങ്ങൾ ഡിജിറ്റലൈസ് ചെയ്യുന്നതിനുള്ള നിർദ്ദേശത്തിനുള്ള കൗൺസിലിന്റെ ചർച്ചാ നിർദ്ദേശം യൂറോപ്യൻ യൂണിയൻ അംഗരാജ്യങ്ങളുടെ അംബാസഡർമാർ ഇന്നലെ ബുധനാഴ്ച അംഗീകരിച്ചിട്ടുണ്ട് . ഓൺലൈനായി വിസയ്ക്ക് അപേക്ഷിക്കുമ്പോൾ നിലവിലെ വിസ സ്റ്റിക്കറിന് പകരം ഡിജിറ്റൽ വിസ നൽകുകയും ചെയ്യുന്നു. വിസ അപേക്ഷാ നടപടിക്രമം കൂടുതൽ കാര്യക്ഷമമാക്കാനും ഷെങ്കൻ ഏരിയയുടെ സുരക്ഷ മെച്ചപ്പെടുത്താനുമാണ് ഇത് ലക്ഷ്യമിടുന്നത്.
