എമിറാത്തി ബഹിരാകാശ സഞ്ചാരി സുൽത്താൻ അൽനെയാദി ഏപ്രിൽ 28 ന് ബഹിരാകാശത്ത് നടക്കാനൊരുങ്ങുന്നു. ഒരു അറബ് ബഹിരാകാശ സഞ്ചാരിയുടെ ആദ്യ ബഹിരാകാശ നടത്തത്തിനാണ് സുൽത്താൻ അൽനെയാദി തയ്യാറെടുക്കുന്നത്.
ദുബായ് കിരീടാവകാശി ഷെയ്ഖ് ഹംദാൻ ബിൻ മുഹമ്മദ് ഇന്ന് വ്യാഴാഴ്ച സോഷ്യൽ മീഡിയയിലൂടെയാണ് ഇക്കാര്യം അറിയിച്ചിരിക്കുന്നത്. ഏപ്രിൽ 28 ന്, 41 കാരനായ ഡോ അൽ നെയാദി, നാസ സഹപ്രവർത്തകനായ സ്റ്റീഫൻ ബോവനുമായി അന്താരാഷ്ട്ര ബഹിരാകാശ നിലയത്തിന് പുറത്ത് മണിക്കൂറുകളോളം യാത്ര ചെയ്യും. ഈ ദൗത്യം അന്താരാഷ്ട്ര ബഹിരാകാശ നിലയത്തിന് (ISS) പുറത്ത് എക്സ്ട്രാ വെഹിക്കുലാർ ആക്ടിവിറ്റി (EVA) ഏറ്റെടുക്കുന്ന പത്താമത്തെ രാജ്യമായി യുഎഇയെ മാറ്റും.
Inspired by Zayed’s ambitions, today our ambassador to space @Astro_Alneyadi is preparing for the first spacewalk by an Arab astronaut on 28 April. This will make the UAE the 10th country to undertake Extravehicular Activity (EVA) on the @Space_Station. pic.twitter.com/FVWxtZwZeo
— Hamdan bin Mohammed (@HamdanMohammed) April 6, 2023
